એસટી બસમાં અપડાઉન કરતા મુસાફરો હવેથી રાજ્યના કોઇપણ ડેપોમાંથી પાસ કઢાવી શકશે

વિદ્યાર્થીઓનું શિક્ષણ અને મુસાફરોનો સમય પણ બગડતો અટકશે

અમદાવાદ : એસટી બસમાં અપડાઉન કરતા કોઈપણ વિદ્યાર્થીઓ અને મુસાફરો હવેથી એસટીનો બસ પાસ રાજ્યના કોઇપણ ડેપોમાંથી કઢાવી શકશે. એસટી દ્વારા સેન્ટ્રલાઇઝ સિસ્ટમના ભાગરૂપે હવે ઓનલાઇન સિસ્ટમ શરૂ કરી છે. જેને પરિણામે વિદ્યાર્થીઓનું શિક્ષણ અને મુસાફરોનો સમય પણ બગડતો અટકશે અને સરળતાથી પાસ પાસ મેળવી શકાશે

   ક્યારેક નાનાં સેન્ટરોમાં વિદ્યાર્થીઓને પાસ કઢાવવા માટે મુશ્કેલીનો સામનો કરવો પડે છે. કેટલાક ડેપોમાં પાસ નીકળતા નથી. કેટલાક એસટી ડેપોમાં સર્વર બંધ રહેતું હોય છે. આવાં અનેક કારણોસર વિદ્યાર્થીને પાસ કઢાવવા આમથી તેમ ફરવું પડે છે. ગુજરાત રાજ્ય માર્ગ વાહન વ્યવહાર નિગમ દ્વારા મુસાફરોને આકર્ષવા અને નિગમની આવકમાં વધારો થાય તે માટે અનેક યોજનાઓ શરૂ કરવામાં આવી છે