આહવામાં જિલ્લા જળસ્ત્રાવ વિકાસ એકમની ઓફિસમાં આગ ભભૂકી :ટેબલ, ખુરશી કોમ્પ્યુટર અને દસ્તાવેજો બળીને ખાખ
ડાંગ આહવાની જિલ્લા જળસ્ત્રાવ વિકાસ એકમ ઓફિસમાં કોઈ અગમ્ય કારણોસર આગ લાગતા લાખો રૂપિયાની સાધન સામગ્રી સહિત દસ્તાવેજો બળીને ખાખ થઈ જતા અફરા તફરી મચી જવા પામી હતી.
ડાંગ જિલ્લાનાં મુખ્યમથક આહવામાં આવેલ જિલ્લા જળસ્ત્રાવ વિકાસ એકમ આહવા ડાંગની ઓફિસમાં શોર્ટસર્કીટનાં કારણે આગ લાગી જતા ઓફિસમાં રહેલ ટેબલ,ખુરસી,કમ્પ્યુટર, અને લાખો રૂપિયાનાં દસ્તાવેજો બળીને ખાખ થઈ ભડતું બની જતા મોટુ નુકસાન થયાની વિગતો બહાર આવવા પામી છે.વધુમાં આ ઓફીસની પણ અન્ય ઓફીસોની સાથે એક જ બિલ્ડીંગમાં કાર્યરત હોય જેથી આગને કાબુમાં લેવાતા સૌ કોઈએ રાહત અનુભવી હતી
.સૂત્રોનાં જણાવ્યા અનુસાર જિલ્લા સ્ત્રાવ વિકાસ કચેરીમાં 39 જેટલા કર્મીઓ ફરજ બજાવે છે. તથા આ ઓફિસમાં ટેન્ડરીંગ, વર્ક ફેજ,લાઈવલી હુડ, ડ્રિપ, જિલ્લાનાં ગલી પ્લગ, જમીન લેવલીંગ, ચેકવોલ,સહિતની વિકાસકીય વહીવટી કામગીરી કરવામાં આવે છે,