એક્ટર લીના જુમાનીએ બિઝનેસ ક્ષેત્રે ઝંપલાવ્યું
જુમાનીનું દિવા બ્યુટી સલોન શરૂ
અમદાવાદ,તા.૧૮ : જાણીતી એક્ટર લીના જૂમાનીએ કે જેણે ૧૦થી વધુ વર્ષોથી એક્ટિંગના ક્ષેત્રમાં પોતાની પ્રતિભાની એક અલગ અને યાદગાર છાપ છોડીને લોકપ્રિયતાના શિખરો સર કર્યા છે અને ભારતીય ટેલિવિઝન, વેબ સિરીઝ અને ગુજરાતી ફિલ્મોમાં સેંકડો ભૂમિકાઓ ભજવી છે તેમણે હવે અન્ય બિઝનેસમાં પણ ઝંપલાવ્યું છે. લીના જુમાનીએ અમદાવાદમાં પોતાના પ્રથમ સલોનનો પ્રારંભ કર્યો છે, જેનું નામ દિવા બ્યૂટી સલોન રાખવામાં આવ્યું છે. સલોનનું ઉદ્દઘાટન લીના જુમાની અને તેમની બે બહેનો વર્ષા જુમાની આહુજા અને પાયલ ખુબચંદાની દ્વારા કરવામાં આવ્યું હતું. લીના મુંબઈ અને અમદાવાદ વચ્ચે અવરજવર કરતી રહે છે, જ્યાં તેમનું ઘર છે. અમદાવાદમાં નાના ચિલોડા રોડ પર સત્કાર બંગલોઝ સામે જોયલ ગોલ્ડ હાઇટ્સ ખાતે પોતાના નવા અને અદ્યતન દિવા બ્યુટી સલોનના લોન્ચીંગ પ્રસંગે ખાસ અમદાવાદની મુલાકાતે આલેી એક્ટર લીના જૂમાનીએ જણાવ્યું હતું કે, આજના સમયમાં યુવતીઓ અને મહિલાઓમાં સુંદરતા, સ્વાસ્થ્ય અને મેકઅપ સહિતની બાબતોને લઇ જાગૃતિ વધી રહી છે, તેને ધ્યાનમાં રાખી તેઓને એક એવું પ્લેટફોર્મ કે જયાં આ તમામ પ્રકારની સુવિધા અને સેવા ભારે માવજત અને કાળજી સાથે પૂરી પાડવાના આશયથી આ બ્યુટી સલોન ખોલવામાં આવ્યું છે. હું અમદાવાદ અને મુંબઈ વચ્ચે વર્ષોથી અવરજવર કરતી રહું છું. બંને શહેરોમાં મારા ઘર છે અને જ્યારે હું મુંબઈમાં શૂટિંગમાં વ્યસ્ત હોતી નથી, ત્યારે મોટાભાગે અમદાવાદમાં હોઉં છું. હું હંમેશા એક્ટિંગ ઉપરાંત અન્ય બિઝનેસમાં પણ સામેલ થવા ઈચ્છતી હતી અને આજની દુનિયામાં દરેકને ગ્રૂમિંગની જરૂર છે, તેથી અમદાવાદમાં સુંદર સલોન શરૂ કરવાનો બીજો કયો વધુ સારો માર્ગ હોઈ શકે. દિવા બ્યુટી સલોન ૨૦૦૦ સ્ક્વેર ફૂટ વિસ્તારમાં ફેલાયેલ છે અને તેમાં ઉત્તમ એવી બ્યુટી ટ્રીટમેન્ટ અને સલોન સેવાઓ આપવામાં આવશે.