ગુજરાત
News of Thursday, 17th May 2018

સુરતના અડાજણમાં પોલીસ કર્મીએ યુવતી સામે બીભત્સ વર્તણુક કરતા ફરિયાદ

સુરતઃ અડાજણ વિસ્તારમાં રહેતી એક યુવતીએ રાંદેર પોલીસ સ્ટેશનમાં ફરજ બજાવતા એક પોલીસ કર્મચારી સામે અડાજણ પોલીસ મથકમાં ફરિયાદ નોંધાવી છે. જેમાં આ પોલીસ કર્મચારીએ બળજબરીથી મોઢું પકડી ધક્કો માર્યો હોવા ઉપરાંત પેન્ટ ઉતારવાનો પ્રયત્ન પણ કર્યો હોવાનો ઉલ્લેખ છે.

આ યુવતીએ નોંધાવેલી ફરિયાદમાં જણાવ્યું છે કે ગઈ તા. 5-5-18ના રોજ રાત્રે 11 વાગ્યે તેમના ભાઈ સાથે અજય નામનો પોલીસવાળો ઘરે આવ્યો હતો. જેણે બળજબરીથી મોઢું પકડી પછાડી દીધી હતી અને પેન્ટ ઉતારવાનો પ્રયાસ કર્યો હતો. એ ઉપરાંત જતા જતા ધમકી પણ આપતો ગયો હતો કે પોલીસમાં ફરિયાદ નોંધાવવાની હિંમત કરી છે તો તારા ભાઈ અને પિતાને બરાબરના ફસાવી દેતા મને આવડે છે. પોલીસ મારું કાંઈ બગાડી શકે તેમ નથી.

(6:07 pm IST)