હિંમતનગર:રાયગઢ નજીક ટ્રેલરના ચાલકે મહિલા રાહદારીને હડફેટે લેતા ઘટનાસ્થળેજ મોત

હિંમતનગર:હિંમતનગર-શામળાજી રોડ પર આવેલા રાયગઢ ગામ પાસેથી બુધવારે પસાર થઈ રહેલા એક ટ્રેલરના ચાલકે મહિલા રાહદારીને ટકકર મારતા ગંભીર ઈજાને કારણે મોત નિપજયુ હતુ. જે અંગે ગાંભોઈ પોલીસે ગુનો નોંધી આગળની કાર્યવાહી હાથ ધરી છે. બુધવારે બપોરના સુમોર રાયગઢ પાસેથી પસાર થઈ રહેલ ટ્રેલરના ચાલકે ગફલતભરી રીતે ડ્રાઈવીંગ કરી ટ્રેલર હંકારી રોડ પરથી પસાર થઈ રહેલ જીવતબા અભેસિંહ ચૌહાણને હડફેટે લેતા તેણીને ગંભીર ઈજા થઈ હતી. જેથી જીવતબાનું મોત નિપજયુ હતુ. ત્યારબાદ ટ્રેલરના ચાલકે બાઈકને હડફેટ લઈને બાઈક ચાલક ભરતસિંહ કેશરીસિંહ મકવાણાને ઈજા પહોંચાડી બાઈકને નુકશાન કર્યુ હતુ. ત્યારબાદ ટ્રેલરનો ચાલક ભાગી જતા કિરણસિંહ અભેસિંહ ચૌહાણ (રહે.સીતપુર, તા.મોડાસા) એ ટ્રેલર ચાલક વિરૂધ્ધ ગાંભોઈ પોલીસ સ્ટેશનમાં ફરીયાદ નોંધાવી હતી.