નડિયાદ મોડાસા ટ્રેનની અડફેટે કપડવંજના પરપ્રાંતીય યુવકનું મોત

કપડવંજ જીઆઈડીમાં પરપ્રાંતિય ઈસમ ધંધો રોજગાર અર્થે રહે છે. ગઈકાલે રાત્રે જીઆઈડીસી વિસ્તારમાં રહેતો સંજય મંડલમ રામમંડેલમ (ઉંમર ૨૫ વર્ષ) રે. ગુમાડીયા બિહાર રેલવે લાઈન પરથી પસાર થતો હતો ત્યારે નડિયાદ મોડાસા ટ્રેનની અડફેટે આવી જતા કપાઈ ગયો હતો. જેથી પરપ્રાંતિય યુવાનનું ઘટના સ્થળે જ મોત નીપજ્યું હતું. આ બનાવ અંગે કપડવંજ ટાઉન પોલીસે અકસ્માત મોતનો ગુનો નોંધી કાયદેસર કાર્યવાહી હાથ ધરી છે .