ઉરાષ્ટ્રપતિએ મુખ્ય મંત્રી વિજય ભાઈ રૂપાણી સાથે કચ્છ રણોત્સવનો ધોરડોમાં રંગારંગ પ્રારંભ કરાવ્યો
ઉરાષ્ટ્રપતિ અને મુખ્મંત્રીએ ઊંટ ગાડીમાં બેસીને સફેદ રણનો નજારો જોવા પ્રસ્થાન કર્યું: વૈકૈંયાજીએ કચ્છની પ્રખ્યાત દાબેલી સાથે કચ્છી કાઠિયાવાડી ભોજનનો સ્વાદ માણ્યો
ભુજ : દેશના ઉપરાષ્ટ્રપતિ વૈકૈયા નાયડુએ મુખ્યમંત્રી વિજયભાઈ રૂપાણી સાથે કચ્છ રણોત્સવનો ધોરડોમાં રંગારંગ પ્રારંભ કરાવ્યો છે
આ અવસરે પ્રવાસન મંત્રી, રાજ્ય મંત્રી અને કચ્છના સાંસદ સહિત ધારાસભ્યો ઉપસ્થિત રહ્યાં હતા. આ ઉપરાંત આમંત્રિતો અને પ્રવાસન સચિવ અને પ્રવાસન વિભાગના અધિકારીઓ પણ હાજર રહ્યાં હતા. ઉરાષ્ટ્રપતિ અને મુખ્મંત્રી એ ઊંટ ગાડીમાં બેસીને સફેદ રણમાં ટહેલવાની મજા માણી હતી
ઉપરાષ્ટ્રપતિ વૈકૈંયાજીએ બરફની ચાદર જેવા કુદરતી સૌંદર્યથી સભર સફેદ મીઠાથી આચ્છાદિત સફેદરણમાં કેમલ સફારી દ્વારા સૂર્યાસ્તનો અદ્દભુત નઝારો માણ્યો હતો. ઉપરાષ્ટ્રપતિ વૈકૈયાજીએ સાંસ્કૃતિક કાર્યક્રમમાં ઉપસ્થિત રહી કલાકારોને બિરદાવ્યા હતા. સાથે સાથે તેમણે જણાવ્યું હતું કે, જે તે પ્રદેશની આગવી ખાસિયત સમી પ્રાદેશિકતાની ઓળખ સાંસ્કૃતિક કાર્યક્રમો થકી જાણી શકાય છે. વિવિધતામાં એકતા એ ભારતની ઓળખ છે અને દરેક પ્રદેશની કલા અને સંસ્કૃતિ થકી આપણી ગૌરવશાળી ભારતીય પરંપરા ઉજાગર થાય છે. ઉપરાષ્ટ્રપતિ વૈકૈંયા નાયડુએ કચ્છની પ્રખ્યાત દાબેલી સાથે કચ્છી કાઠિયાવાડી ભોજનનો સ્વાદ માણ્યો હતો.