વડોદરાના ભાયલીમાં પાઈપલાઈન નાખતી વેળાએ માટી ધસી પડતા વેલ્ડરનું નીચે દબાઈ જતા મોત

વડોદરા:શહેરના નવા વિકસીત ભાયલી વિસ્તારમાં કોર્પોરેશન દ્વારા પાણીની ૧૫૦ એમએલડી પાઇપ લાઇન નાખવાનું કામ ચાલી રહ્યું છે. આ દરમિયાન ભાયલી સ્વામિનારાયણ મંદિર સામે રોડ પર આજે પાઇપ લાઇન નાખવાનું કામ ચાલી રહ્યું હતુ આ દરમિયાન માટી ધસી પડતા તેની નીચે દબાયેલા વેલ્ડરનું સારવાર દરમિયાન મોત થયુ હતું.

ભાયલી વિસ્તારમાં પાઇપ લાઇન નાખવાની કામગીરી કોન્ટ્રાક્ટર રાજકમલ બિલ્ડર્સ દ્વારા થઇ રહી છે. આજે બપોરે સ્વામિનારાયણ મંદિર સામે રોડ પર કામગીરી ચાલી રહી હતી. પાઇપ લાઇન નાખવા માટે રોડમાં ખોદવામાં આવેલી કેનાલમાં પાઇપ લાઇનને જોઇન્ટ કરવા માટે મુળ ઝારખંડનો રહેવાસી વિક્કી રામેશ્વર યાદવ વેલ્ડિંગ કરી રહ્યો હતો આ દરમિયાન જ ખોદાયેલી કેનાલની એક બાજુની માટી ધસી પડી હતી. વિક્કી તેની નીચે દટાઇ ગયો હતો.