પબજીએ વધુ એક ભોગ લીધોઃ ટ્રેનની હડફેડે આવતા યુવકનું મોત

ટ્રેનનો પાવો પણ વાગ્યો, લોકોએ રાડારાડી પણ કરી હતી છતા...

ભરૂચઃ મોબાઈલ ઉપર યુવાઓ વચ્ચે રમાતી પબજી ગેમે વધુ એક યુવકનો ભોગ લીધો છે. કાનમાં ઈયરફોન ભરાવી પબજી રમવામાં વ્યસ્ત ભરૂચના પગુથણ ગામના યુવકનું ટ્રેન હડફેટે આવી જતા મોત નિપજયું હતુ. યુવકની ઓળખ કપડા દ્વારા કરવામાં આવી હતી.

ઘટના સમયે હાજર લોકોના જણાવ્યા પ્રમાણે અમારી રાડારાડી પણ યુવકે ઈયરફોન ભરાવ્યા હોવાથી સાંભળી ન હતી. પગુથણ ગામના ફારૂક દીવાન પાનોલીની કંપનીમાં ઈન્ટરવ્યુ માટે ઘરેથી નિકળ્યો હતો. તે ચાવજ રેલ્વે સ્ટેશન પાસેના પાટાના કિનારે ચાલતો- ચાલતો ઈયરફોન ભરાવી પબજી ગેમ રમી રહ્યો હતો.

આ દરમિયાન ડબલ ડેકર ટ્રેન ચાલકે ભરપુર હોર્ન વગાડયા હતા અને ત્યાં હાજર લોકોએ પણ રાડા રાડી કરી હતી છતા ફારૂક ઉપર તેની કોઈ અસર થઈ ન હતી. પોલીસ ડેડબોડી સીવિલ હોસ્પીટલે લઈ ગઈ હતી. જયાં ફારૂકના પરિવારે કપડાના આધારે તેની ઓળખ કરી હતી.