પંચમહાલના કાલોલમાં તબીબી ચેકઅપના બહાને મહિલા દર્દી સાથે છેડતી કરનાર ડોક્ટર વિરુદ્ધ ફરિયાદ

કાલોલ:પંચમહાલના કાલોલ અડાદરા સ્થિત ટ્રસ્ટ સંચાલિત હોસ્પિટલના તબીબે ચેકઅપના બહાને પરિણીતા દર્દી સાથે શારીરિક છેડછાડ કરી ચુંબન કરવાની ચેેષ્ટા કરતા હોહા મચી ગઈ હતી. વેજલપુર પોલીસે મહિલાની ફરિયાદને આધારે ગુન્હો નોંધી તબીબ વિરૃધ્ધ કાયદેસરની કાર્યવાહી હાથ ધરી છે.

કાલોલ તાલુકાના જયંતિ હોસ્પિટલમાં એમ.બી.બી.એસ. ડિગ્રી ધારી યુપીના તબીબ પ્રેમનાથ લક્ષ્મીનારાયણ ગુપ્તા (મુળ રહે. ઉત્તરપ્રદેશ ) હાલ રહે. શ્રીજી પાર્ક, અંકુર સ્કુલની સામે ગોધરા) ફરજ બજાવી રહ્યાં છે. મેડિકલ પ્રેકટીસ કરતા ડોકટરે તા.૧૨મી અને બુધવારે હાલોલ તાલુકાના એક ગામથી ૨૨ વર્ષીય પરિણીતાના બે દિવસથી તાવ આવતો હોવાથી હોસ્પિટલ સારવાર માટે આવી હતી.

ત્યારે બપોરે મહિલાની એકલતાનો લાભ ઉઠાવવાના મનસુબાથી ચેકઅપ માટે પડદા પાછળ લઈ જઈને ડોકટર પ્રેમનાથ ગુપ્તાએ ચેકઅપ દરમિયાન શારિરિક અડપલા કરી છેડછાડ કરી હતી. ઉપરાંત ચુંબનો કર્યા હતા. આવા અશ્લીલ ચેંડા કરી થતા સમસમી ગયેલી મહિલાએ ગુરૃવારે વેજલપુર પોલીસ સ્ટેશને ડોકટર સામે ફરિયાદ નોંધાવી કાયદેસરની તપાસ માટે માંગ કરી હતી.