થરાદમાંથી ૬૮૨ બોટલ વિદેશી દારૂની હેરાફેરી કરતી માર્શલ જીપ ઝડપાઇ :ચાલક નાશી છૂટ્યો

જીપ સહિત 1,70 લાખથી વધુનો મુદામાલ જપ્ત :ચાલકની શોધખોળ

થરાદમાં બળીયા હનુમાન ગોળાઈ નજીથી દારૂની 14 પેટી સાથે માર્શલ જીપ ઝડપાઇ છે જોકે ગાડીનો ચાલાક નાશી છૂટ્યો હતો પોલીસે જીપ સહીત 1,70 લાખથી વધુનો મુદામાલ જપ્ત કરીને ધોરણસરની કાર્યવાહી હાથ ધરી છે

આ અંગે મળતી વિગત મુજબ થરાદના મહિલા પી.એસ.આઇ.કે કે રાઠોડ અને કર્મચારીઓ ભરતભાઇ કેશાભાઇ, સરદારસિંહ ગણેશાજી નગરમાં પેટ્રોલિંગમાં હતાં.આ વખતે નગરના હાર્દસમા બળીયા હનુમાન ગોળાઇમાં આવતાં બસ સ્ટેશન તરફથી GJ 02 K 5145 નંબરની માર્શલ જીપ આવતાં તેના પર શંકા જતાં તેને અટકાવવા ઇશારો કરતાં ભાગેલો ચાલક શહેરના વિજય બિઝનેશ શોપીંગના આગળના ભાગે ગાડી મુકી અંધારાનો લાભ લઇને નાસી છુટ્યો હતો. 

  પોલીસે ચેક કરતાં જીપમાંથી ૧૪ પેટીમાં રહેલો રૂપીયા ૭૦૨૦૦ની કિંમતનો ૬૮૨ બોટલ જથ્થો મળી આવતાં એક લાખની કાર સહિત કુલ રૂપીયા ૧૭૦૨૦૦નો મુદ્દામાલ કબજે લીધો હતો.તેમજ પ્રોહીબેશન એક્ટ મુજબ ગુનો દાખલ કરી વધુ કાર્યવાહી હાથ ધરી હતી.