કપડવંજના આંબલીયારાની નહેરમાંથી અજાણ્યા પુરુષની લાશ મળી આવતા તપાસ શરૂ

નડિયાદ : કપડવંજ તાલુકાના આંબલીયારા ગામની સીમમાં નર્મદા નહેરના આયફન ગરનાળામાંથી ગઈકાલે બપોરે એક અજાણ્યા પુરૂષની લાશ મળી આવી હતી. આ અજાણ્યો પુરૂષ ૩૦ થી ૩૫ વર્ષના આશરાનો હોવાનું જણાઈ આવેલ છે. આ અજાણ્યા પુરૂષનું અકસ્માતે નહેરમાં પડી જતાં તણાઈ ગયો કે પછી નહેરમાં પડી આપધાત કર્યો તે અંગે તરેહ-તરેહની અટકળો થઈ રહી છે. આ અજાણ્યા પુરૂષની ફોગાઈ ગયેલી લાશનો કબજો લઈ કપડવંજ ટાઉન પોલીસે સરકારી હોસ્પિટલમાં પોસ્ટ મોર્ટમ કરાવ્યું હતું. કપડવંજ શહેર પોલીસે અકસ્માતે મોતનો ગુનો દાખલ કરીને તેના વાલીવારસોની શોધખોળ હાથ ઘરી છે.