ગૃહમંત્રી અમિતભાઇ શાહે અમદાવાદમાં પતંગ ચગાવીઃ જીતુ વાઘાણીએ ફિરકી પકડીઃ મુખ્યમંત્રી રૂપાણીએ રાજકોટમાં પતંગોત્સવ ઉજવ્યો

ભાજપના અધ્યક્ષ અને કેન્દ્રીય ગૃહમંત્રી અમિતભાઇ શાહે ગઇકાલે અમદાવાદ ખાતે કાર્યકરો સાથે ઉત્તરાયણની ઉજવણી કરી હતી. વેજલપુરમાં તેમણે પતંગ ઉડાવી હતી અને ભાજપના પ્રદેશ અધ્યક્ષ જીતુ વાઘાણીએ તેમની ફિરકી પકડી હતી. આ પ્રસંગે યુવા મોરચાના ઋત્વીજ પટેલ પણ ઉપસ્થિત રહ્યા હતા. અમિતભાઇ શાહે પતંગો કાપી પણ હતી. તેઓ સદાબહાર મુડમાં હતા અને મોજથી પર્વ મનાવ્યુ હતું. જ્યારે મુખ્યમંત્રી વિજયભાઇ રૂપાણીએ રાજકોટમાં તેમના નિવાસસ્થાને પતંગ ઉડાડવાની મજા માણી હતી. આ પ્રસંગે શહેર ભાજપના અગ્રણીઓ ઉપસ્થિત રહ્યા હતા.