ગુજરાત
News of Friday, 14th May 2021

ડૉ. તેજશ્રીબેન પટેલની ગુજરાત પ્રદેશ ભાજપ મહિલા મોરચાના મંત્રી તરીકે નિમણૂક

વિરમગામના પુર્વ ધારાસભ્ય ડૉ.તેજશ્રીબેન પટેલને કાર્યકર્તાઓ, સમર્થકોએ અભિનંદન પાઠવ્યા

(વંદના નીલકંઠ વાસુકિયા દ્વારા) વિરમગામ : ભારતીય જનતા પાર્ટીના પ્રદેશ પ્રમુખ સી.આર.પાટીલની સૂચના અને માર્ગદર્શન મુજબ મહિલા મોરચાના પ્રદેશ પ્રમુખ ડૉ. દીપીકાબેન સરડવા દ્વારા પ્રદેશ મહિલા મોરચાના પ્રદેશ મંત્રીના નામની જાહેરાત કરવામાં આવી છે. વિરમગામના પૂર્વ ધારાસભ્ય ડૉ. તેજશ્રીબેન પટેલની ભારતીય જનતા પાર્ટી ગુજરાત પ્રદેશ મહિલા મોરચાના મંત્રી તરીકે નિમણૂક કરવામાં આવી છે. મહિલા મોરચાના મંત્રી તરીકે ડૉ. તેજશ્રીબેન પટેલની જાહેરાત કરવામાં આવતા ભાજપના હોદ્દેદારો કાર્યકરો મિત્રો પરિવારજનો સમર્થકોએ ફોન કરી અને સોશીયલ મિડીયાના માધ્યમથી અભિનંદન સહ શુભકામનાઓ પાઠવી હતી.

(9:26 am IST)