બહુચરાજીના બલોલ ગામના સગીરની હત્યાના આરોપીની પોલીસ લોકઅપમાં ગળેફાંસો ખાઈ આત્મહત્યા

મહેસાણા જિલ્લાની બહુચરાજી તાલુકાના બલોલ ગામમાં બે દિવસ પહેલા થયેલી 17 વર્ષના કિશોરની હત્યા પ્રકરણમાં ઝડપાયેલા આરોપીએ પોલિસ લોકઅપમાં જ આત્મહત્યા કરી લેતા ચકચાર મચી ગઈ હતી.

મહેસાણાના સાંતલ પાસે આવેલા બલોલ ગામમાં 12 ફેબ્રુઆરીએ નીલ પટેલ નામના યુવાનની હત્યા થઇ હતી.આ હત્યા મામલે પોલિસ કેટલાંક શંકમંદોની પુછપરછ કરી હતી.આ પુછપરછમાં મહેશ પટેલ નામની વ્યક્તિનું નામ ખુલ્યું હતું.

   મહેસાણા પોલિસે 13 તારીખે મહેશ પટેલની અટકાયત કરીને તેની પુછપરછ કરી હતી.પોલિસની પુછપરછમાં મહેશ પટેલે કબુલાત કરી હતી કે તેણે નીલ પટેલની હત્યા કરી છે.મહેશ પટેલે આ હત્યામાં વાપરવામાં આવેલ છરીની માહિતી પણ પોલિસને આપી હતી.

   જો કે મહેશ પટેલે હત્યાની કબુલાત કર્યા બાદ લોકલ ક્રાઇમ બ્રાંચના ટોઇલેટમાં જઇને ગળે ફાંસો ખાઇને આત્મહત્યા કરી હતી.