ગુજરાત
News of Tuesday, 14th January 2020

વાવમાં ઢીમા રોડ પર આખલો આડો ઉતરતા પટકાયા :બે યુવાન બાઈક સવારના કરૂણમોત

રાજસ્થાનના બંને યુવકોનું ઘટનાસ્થળે જ કરૂણ મોત

વાવના ઢીમાં રોડ પર આખલો આડો ઉતરતા બાઇકસવાર પટકાયા હતા. બાઇક પટકાતા બે લોકોના ઘટનાસ્થળે જ કરૂણ મોત નિપજતા પંથકમાં શોકનો માહોલ વ્યાપી જવા પામ્યો છે. પ્રાથમિક તપાસમાં બંને યુવાનો રાજસ્થાનના હોવાનું સામે આવ્યુ છે. ઘટનાની જાણ થતાં સ્થાનિક પોલીસે બંનેના મૃતદેહને પોસ્ટમોર્ટમ માટે રેફરલ હોસ્પિટલ ખસેડવામાં આવ્યા હતા.

બનાસકાંઠા જીલ્લાના વાવ તાલુકાના ઢીમા રોડ પર ગત રાત્રે અકસ્માતમાં બે લોકોના મોત થયા છે. ઢીમા રોડ પરથી પસાર થતી વખતે મોડીરાત્રે આખલો આડો ઉતરતા બાઇક પટકાયુ હતુ. રાજસ્થાનના બંને યુવકોનું ઘટનાસ્થળે જ કરૂણ મોત નિપજ્યુ છે. ઘટનાની જાણ થતાં તાત્કાલિક ૧૦૮ની ટીમ ઘટનાસ્થળે દોડી ગઇ હતી.સ્થાનિક પોલીસે બંને મૃતદેહોના પોસ્ટમોર્ટમ માટે મોકલી આપી વધુ તપાસ હાથ ધરી છે.

(10:20 pm IST)