સુરતના પર્વત ગામમાં હીરાના કારખાનામાં ભિષણ આગ ભભૂકી :સાતથી વધુ ફાયરફાયટર પહોંચ્યા

શોર્ટસર્કિટના કારણે આગ લાગી હોવાનું પ્રાથમિક તારણ ;દૂર દૂર ધુમાડાના ગોટેગોટા

સુરત ;સુરતના એક હીરાના કારખાનામાં ભીષણ આગ ભભૂકી ઉઠી છે જાણવા મળતી વિગતો મુજબ આજે રવિવારના રોજ સાંજના સમયે સુરતના પર્વત ગામમાં આવેલા હીરાના કારખાનમાં આગ લાગી હતી જે ધીમે ધીમે વિકરાળ સ્વરૂપ પકડ્યું હતું આગની જાણ થતાં ફાયર બ્રિગેડની ટીમ ઘટના સ્થળે પહોંચી જઇને આગને કાબુમાં લેવાની કામગીરી હાથધરી હતી આગ એટલી બધી વિકરાળ હતી કે આગને કાબુમાં લેવા માટે એક પછી એક સાતથી વધુ ફાયરફાયટરને બોલાવવામાં આવ્યા હતા.આગ શોર્ટ સર્કિટના કારણે લાગી હોવાનું પ્રાથમિક તારણ વ્યક્ત થઇ રહયું છે સદનસિબે આગમાં કોઇ જાન હાની થઇ નથી. આ એટલી ભયાનક હતી કે દૂર દૂર સુધી કાળો ધૂમાડો નજરે ચડી રહ્યો હતો.