રાજયના શિક્ષણ મંત્રી ભુપેન્‍દ્રસિંહ ચુડાસમાની જીતને હાઇકોર્ટમાં પડકારાઇ

અમદાવાદ: ગુજરાત વિધાનસભા ૨૦૧૭ની ચુંટણીના પરિણામ જાહેર થયે ૨૫ દિવસ જેટલો સમય વીતી ચુક્યો છે. તેમ છતાં પરિણામોને લઈને ચાલી રહેલ વિવાદ હજી ઉકેલાવાનુ નામ લઈરહ્યો નથી. વિજેતા થયેલા ધોળકા બેઠક પરથી શિક્ષણ મંત્રી ભુપેન્દ્રસિંહ ચુડાસમાની જીતને હાઈકોર્ટમાં પડકારવામાં આવી છે. અત્રેઅે ઉલ્‍લેખનીય છે કે ધોળકા વિધાનસભા બેઠક પરથીભુપેન્દ્રસિંહ ચુડાસનો કોંગ્રેસના તેમના હરીફ ઉમેદવાર અરવિંદ રાઠોડ સામે ૩૨૭ મતથી વિજય થયો હતો.

આ ચુંટણીમાં ભુપેન્દ્રસિંહ ચુડાસમાંને કુલ ૭૧,૫૩૦ મત મળ્યા હતા. જ્યારે તેમના પ્રતિસ્‍પર્ધા ઉમેદવાર અરવિંદ રાઠોડને ૭૧, ૨૦૩ મત મળ્યા હતા. ત્યારે હજુ  ચુંટણી પરિણામને કોંગ્રેસનાઉમેદવાર અરવિંદ રાઠોડ દ્વારા હાઈકોર્ટમાં પડકારવામાં આવ્યુ છે. ગુજરાત હાઈકોર્ટમાં અરવિંદ રાઠોડની અરજી પર થોડા દિવસોમાં સુનાવણી હાથ ધરવામાં આવશે તેમ જાણવા મળ્યું છે.