કામરેજ નજીક પોલીસે 2880 કિલો ગૌમાંસનો જથ્થો ઝડપ્યો
કામરેજ:તાલુકાના ગલતેશ્વરથી શામપુરા જતા રોડ પર ટીમ્બા ગામની સીમમાં ગૌરક્ષકો અને પોલીસે ગૌવંશ માસનો જથ્થો ભરેલા ટેમ્પાને ઝડપી પાડી કલીનરની ધરપકડ કરી હતી. ટેમ્પા ચાલક ભાગી ગયો હતો. ઝંખવાનના વનક્ષેત્રમાં ગૌવંશ કાપી તે માંસ ટેમ્પામાં ભરી સુરત લઈ જવાતું હતું. પોલીસે ટેમ્પા ચાલક, ગૌમાંસ ભરાવનાર ઝંખવાનના બે ભાઈ સહીત ૪ ને વોન્ટેડ જાહેર કર્યા છે.
આજે બુધવારે વહેલી સવારે ગલતેશ્વર ગામે તાપી નદીના પુર પર ગૌરક્ષકોએ બાતમી આધારે વોચ ગોઠવી હતી. તે સમયે પુરઝડપે આવતા આઈસર ટેમ્પો (નં.-જીજે-૫-યુયુ-૯૮૬૪) ને ઉભો રાખવા ઈશારો કરતા ચાલકે શામપુરા તરફ ભગાવ્યો હતો. ગૌરક્ષકોએ પીછો કરતા ટેમ્પોચાલક ટીમ્બા ગામે ટેમ્પો મુકી ભાગી ગયો હતો. જ્યારે ટેમ્પામાં બેઠેલો કલીનર ખેરાતી યાકુબ શેખ (ઉ.વ.૨૦, રહે-ભાડયાલી, ભાઠેના, લિંબાયત, સુરત) ને ઝડપી લીધો હતો.