ગાંધીનગર નજીક હત્યાનો પ્રયાસ કરનાર આરોપીને અદાલતે અઢી વર્ષની સજાની સુનવણી કરી

ગાંધીનગર: શહેર નજીક આવેલા લીંબડીયા ગામમાં બે વર્ષ અગાઉ યુવાન ઉપર છરી વડે જીવલેણ હુમલો કરવાના કેસમાં ગાંધીનગર પ્રિન્સી.એન્ડ ડીસ્ટ્રીકટ સેસન્સ કોર્ટમાં ચાલ્યો હતો. જ્યાં સરકારી વકીલની દલીલોને ગ્રાહ્ય રાખી કોર્ટે આરોપીને અઢી વર્ષની કેદ અને એક લાખ રૂપિયાનો દંડ ફટકાર્યો છે જેમાંથી ૯૦ હજાર વળતર પેટે ભોગ બનનાર યુવાનને આપવાનો હુકમ કર્યો છે. 

આ કેસની મળતી વિગતો પ્રમાણે લીંબડીયા ગામે રહેતાં કિરણજી શકરાજી ઠાકોર તથા મહોબતજી બેચરજી ઠાકોરને ગામમાં જ રહેતા અરજણજી શનાજી ઠાકોર, ભરતજી શનાજી ઠાકોર, અંકિત અરજણજી ઠાકોર, કિરણ અરજણજી ઠાકોર, ખોડાજી જીલાજી ઠાકોર, રાજેશ ધનાજી ઠાકોરે ગત તા.૧ર જુન ર૦૧૭ના રોજ રાત્રે એકસંપ થઈ લાકડી, પાઈપ તથા ચપ્પા જેવા હથિયારો વડે હુમલો કરી માર માર્યો હતો. જેમાં મહોબતજીને આરોપી કિરણજી અરજણજીએ ચપ્પાના ઘા ઝીંકયા હતા અને ગંભીર ઈજાઓ પહોંચાડી હતી. જે સંદર્ભે ડભોડા પોલીસ સ્ટેશનમાં હત્યાના પ્રયાસનો ગુનો નોંધાયો હતો.