રાહુલ ગાંધી ADC બદનક્ષી બેન્ક કેસમાં પહોંચ્યા અમદાવાદ
રાહુલ ગાંધીએ તેમની સામેના કેસોને એક 'પ્લેટફોર્મ' ગણાવીને ભાજપ-સંઘનો આભાર માન્યો હતો
અમદાવાદ, તા.૧૨: અમદાવાદ ડિસ્ટ્રિકટ કો-ઓપરેટિવ બેન્ક તથા તેના વડા અને ચેરમેન અજય પટેલ દ્વારા દાખલ કરવામાં આવેલા બદનક્ષીના કેસમાં હાજર થવા કોંગ્રેસના પૂર્વ અધ્યક્ષ રાહુલ ગાંધી અમદાવાદ પહોંચ્યા હતા. કોંગ્રેસના તત્કાલીન અધ્યક્ષ ગાંધી તથા કોંગ્રેસના પ્રવકતા રણદીપ સુરજેવાલાએ ગત વર્ષે આરોપ મૂકયો હતો કે નોટબંધી જાહેર થઈ, તેના પાંચ દિવસની અંદર એડીસી બેન્કમાં રૂ. ૭૪૫.૫૯ કરોડની જૂની નોટો બદલવામાં આવી હતી. એડીસી બેન્કે તેની સામેના આરોપોને નકાર્યા હતા અને તમામ વ્યવહારોમાં પારદર્શકતા જાળવવામાં આવી હોવાની વાત કહી હતી. અમદાવાદ પહોંચેલા રાહુલ ગાંધીએ તેમની સામેના કેસોને એક 'પ્લેટફોર્મ' ગણાવીને ભાજપ-સંઘનો આભાર માન્યો હતો. અમદાવાદની મેટ્રોપોલિટીન કોર્ટ બહાર તથા રસ્તામાં કોંગ્રેસના કાર્યકર્તાઓએ રાહુલ ગાંધીને આવકારતાં બેનર્સ લગાવ્યાં હતાં.