ધંધુકા-બગોદરા હાઇવે પર એસટીની સ્લીપર કોચ ખાડામાં ખાબકી :એક બાળકીનું મોત:12 લોકોને ઇજા

ગુંદી ફાટક નજીક 15 ફૂટ ઊંડા ખાડામાં બસ ખાબકતા બે વર્ષનું બાળકીનું ઘટનાસ્થળે પ્રાણ પંખેરું ઉડી ગયું

 

અમદાવાદઃધંધુકા-બગોદરા હાઈ-વે પર  ગુંદી ફાટક નજીક આ સ્લીપર એસ.ટી કોચ બસે પલ્ટી ખાતા એક બાળકીનું મોત નીપજ્યું છે જયારે 12 લોકોને ઇજા પહોંચી છે અમદાવાદથી ભાવનગર જતી બસ એકાએક પલ્ટી ખાઇ ગઇ હતી.પલ્ટી થયેલી આ બસ રોડ પાસે આવેલ 15 ફૂટ ઉંડા ખાડામાં ખાબકી ગઇ હતી.

 આ ઘટનામાં અનેક મુસાફરોને ઈજા પહોંચી હોવાનું પણ સામે આવ્યું છે. આ ઘટનામાં ઈજાગ્રસ્ત થયેલાં 12 જેટલાં લોકોને સારવાર અર્થે ખસેડવામાં આવ્યાં છે.જેમાં એક બે વર્ષની નાની બાળકીનું ઘટનાસ્થળે જ મોત નિપજ્યું છે. આ ઘટનાસ્થળેથી આ બાળકીનો મૃતદેહ પણ બહાર કઢાયો છે. જો કે આ ઘટનાની જાણ થતાં જ 108 અને પોલીસનો મોટો કાફલો પણ ઘટનાસ્થળે પહોંચી ગયો છે