વડોદરામાં બિલ્ડર પાસેથી 5 લાખની લાંચ લેનાર પતિ-પત્ની બને રંગે હાથે ઝડપાયા
વડોદરા:શહેરના બિલ્ડરની સાઇટ પર સર્વે કર્યા પછી કામદારોના પીએફના પ્રશ્ને પી.એફ. કચેરીના ઓફિસરે નોટિસ આપી હતી. આ કેસમાં કાયદેસરની કાર્યવાહી નહીં કરવા માટે બિલ્ડર પાસેથી રૃપિયા પાંચ લાખની લાંચ લેતા પી.એફ. ઓફિસર આર.કે. તિવારી સીબીઆઇના હાથે ઝડપાઇ ગયો છે. ઉલ્લેખનીય છે કે, આર.કે. તિવારીની પત્ની પારૃ તિવારી લગભગ ત્રણ મહિના પહેલા લાંચ કેસમાં ફસાઇ હતી. જે અત્યારે જેલમાં જ છે.
આ અંગેની વિગત એવી છે કે, શહેરના એક બિલ્ડરની વાસણા-ભાયલી રોડની સાઇટ પર પી.એફ. કચેરીના એન્ફોર્સમેન્ટ ઓફિસર પારૃ તિવારી દ્વારા સર્વે કરવામાં આવ્યો હતો. સાઇટ પર કામ કરતા કામદારોના પી.એફ.ના રૃપિયા બાબતે પારૃ તિવારીએ બિલ્ડરને નોટિસ આપી હતી. જે અનુસંધાને બિલ્ડર પારૃ તિવારીને મળ્યા હતા અને તેમની સાઇટ પરના રોજમદારો અને કાયમી કામદારોની સંખ્યા અંગે ચર્ચા કરી હતી.