મહુધા તાલુકાના ભુમસ નજીક જુદા જુદા વિસ્તારમાં ધમધમતા જુગારધામ પર પોલીસ ત્રાટકી: 8 પત્તાપ્રેમીઓની રંગે હાથે ધરપકડ: ગુનો દાખલ કરી કાયદેસરની કાર્યવાહી હાથ ધરવામાં આવી

મહુધા :તાલુકાના ભુમસ ગામમાં આવેલ ધર્મશાળા પાછળ ખુલ્લી જગ્યામાં મહુધા પોલીસની ટીમે દરોડો પાડ્યો હતો. જેથી જુગારીઓમાં નાસભાગ મચી હતી. જો કે પોલીસે સ્થળ પરથી પત્તાપાનાનો જુગાર રમતાં ં બિપીનચંદ્ર રમેશભાઈ પરમાર, સુરેશભાઈ શનાભાઈ પરમાર, યુનીસઅલી વજીરઅલી શેખ, હસમુખભાઈ ચંદુભાઈ પરમાર, સિરાજખાન યુસુબખાન પઠાણ, શૈલેષભાઈ ચંદુભાઈ પરમાર અને ભગવતભાઈ ઉર્ફે બોડો બાબુભાઈ પરમારને ઝડપી પાડ્યા હતા. તેઓની અંગજડતીમાંથી રૂ.૧૦૨૦, દાવ પરથી રૂ.૧૭૩૦ તેમજ એક મોબાઈલ ફોન કિંમત રૂ.૩૦૦ મળી કુલ રૂ.૩૦૫૦નો મુદ્દામાલ મળી આવ્યો હતો. જે પોલીસે જપ્ત કરી પકડાયેલા સાતેય જુગારીઓ વિરૂધ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.

બીજા બનાવમાં કઠલાલમાં અમરનાથ કોમ્પલેક્ષ પાછળ દરોડો પાડીને વરલી મટકાના જુગારના આંકડા લખનાર સરફરાજભાઈ શબ્બીરભાઈ વ્હોરા (રહે.વ્હોરવાડ, કઠલાલ)ને રૂ.૪૮૦ ની મત્તા સાથે ઝડપી પાડ્યો હતો.