દાહોદમાં મહિલાએ કોન્સ્ટેબલ પર દુષ્કર્મનો આરોપ લગાવ્યો

દાહોદ: જિલ્લાના એક ટાઉનમાં કોઇ એક મર્ડર કેસમાં એક સ્ત્રીની ધરપકડ કરાઇ હતી. પોલીસ કસ્ટડીમાં રખાયેલી આ સ્ત્રીએ આક્ષેપ કર્યો છે કે એક પોલીસ કોન્સ્ટેબલે તેના પર કસ્ટડીમાં બળાત્કાર કર્યો છે. આટલો ગંભીર આક્ષેપ આ સ્ત્રીએ કર્યો હોવાની જાણ થતાજ લુણાવાડા ટાઉનમાં ચકચાર મચી ગઇ છે અને જાણવા મળતી માહિતી મુજબ લુણાવાડામાં મોડી રાતે ૧૧ વાગ્યાના સુમારે ઉચ્ચ પોલીસ અધિકારીઓની ગુપ્ત બેઠક પણ આ અંગે યોજાઇ હતી. આ અત્યંત ગુપ્ત બેઠકમાં મર્ડર કેસની આરોપી એવી આ સ્ત્રીના આક્ષેપ મુજબ કોન્સ્ટેબલ વિરૃધ્ધ પોલીસ ફરિયાદ નોંધવાના મુદ્દે ચર્ચા ચાલી હોવાનું બિન સત્તાવાર રીતે પોલીસ વર્તુળોમાંથી જાણવા મળે છે. આ સમાચાર લખાય છે ત્યારે રાત્રે ૧૧.૧૫ સુધી પોલીસ અધિકારીઓની બેઠક ચાલજ હતી અને કોન્સ્ટેબલ વિરૃધ્ધ હજી સુધી ફરિયાદ નહી નોંધાઇ હોવાનું જાણવા મળે છે.