તસ્કરોથી ત્રસ્ત મગદલ્લાવાસીઓએ ખુદ સુરક્ષાની જવાબદારી લીધી:રસ્તાઓ પર સિક્યુરીટી ગાર્ડ્સ તૈનાત કર્યા

ગામમાં રાત્રે 11 વાગ્યા બાદ પ્રવેશનારને ઓળખકાર્ડ બતાવવા પડશે :ગાર્ડ વાહન નંબર નોંધે છે

સુરત ;સુરતના મગદલ્લાવાસીઓ તસ્કરોના ત્રાસથી કંટાળીને પોતાના વિસ્તારની સુરક્ષાની જવાબદારી સંભાળે છે પોલીસના ભરોસે બેસી રહેવાને બદલે નગરજનોએ પહેરો ભરવાનું શરૂ કરી દીધું છે તસ્કરોથી ત્રાહિમામ મગદલ્લાવાસીઓએ નવો જ રસ્તો શોધી કાઢીને પોતાના વિસ્તારની સુરક્ષાની જવાબદારી હવે પોતાના માથે લઈ લીધી છે.

  આ માટે ગ્રામજનોએ ગામના તમામ રસ્તાઓ પર 10 જેટલાં સિક્યુરીટી ગાર્ડ્સ તૈનાત કર્યા છે ગામમાં રાત્રે 11 વાગ્યા બાદ પ્રવેશ કરનારએ  પોતાના ઓળખકાર્ડ સિક્યુરીટી ગાર્ડ્સને બતાવવા પડે છે. આ ગાર્ડસ અહીંથી પસાર થતાં દરેક વાહનોની વિગતો પણ  નોંધે છે.
   અત્રે ઉલ્લેખનીય છે કે ગામમાં બે વાર ચોરોએ 9 કારને નિશાની બનાવી હતી. જેમાં કારના કાચ તોડી અંદર રહેલી મ્યુઝિક સિસ્ટમની પણ ચોરી કરી ગયા હતા આ ચોરોના ચહેરા સીસીટીવી કેમેરામાં કેદ થયા હોવા છતા પણ પોલીસની નિષ્ક્રિય બની રહેતા,સ્થાનિકોએ જાતે જ પોતાના જાનમાલની સુરક્ષા કરી રહ્યાં છે.