મધ્યરાત્રે કારમાં ગાંજાની હેરફેર કરતા ત્રણને આણંદ પોલીસે ઝપડયા
આણંદ: જિલ્લા ટ્રાફિક પોલીસે આજે રાત્રીના સુમારે બીલપાડ પાસેથી એક ફોર વ્હીલરમાં ગાંજાની હેરાફેરી કરતાં ત્રણ જેટલા શખ્સોને ઝડપી પાડ્યા હોવાનુ જાણવા મળ્યું છે. આ લખાઈ રહ્યું છે ત્યારે પોલીસ દ્વારા કાર્યવાહી હાથ ધરવામાં આવી છે જેને લઈને વધુ કોઈ માહિતી મળી શકી નથી. પ્રાપ્ત વિગતો અનુસાર આણંદ જિલ્લા ટ્રાફિક પોલીસ આજે આંકલાવ-ઉમેટા તરફ વાહનો ચેક કરી રહી હતી ત્યારે એક શંકાસ્પદ ફોર વ્હીલરનો ગંભીરાથી પીછો પકડીને બીલપાડ પાસે તેને ઝડપી પાડી હતી અને તલાશી લેતા અંદરથી ગાંજા જેવો પદાર્થ મળી આવ્યો હતો. જેથી આણંદ એફએસએલને જાણ કરતાં તેઓ નાર્કો કીટ લઈને ઘટનાસ્થળે પહોંચી ગયા હતા અને પકડાયેલા પદાર્થની ચકાસણી કરીને તે ગાંજો જ હોવાનું જણાવ્યું હતુ. જેથી પોલીસે આ અંગે એનડીપીએસ ધારા હેઠળ કાર્યવાહી હાથ ધરાઈ છે. સૂત્રોના જણાવ્યા અનુસાર અંદાજે વીસેક કિલો જેટલો ગાંજો પકડાયો છે જેની કિંમત ૨૦ હજાર રૂપિયા જેટલી થવા જાય છે. હાલમાં તો પોલીસ દ્વારા પકડાયેલા ત્રણેયની પૂછપરછ ચાલી રહી છે અને આ ગાંજાનો જથ્થો તેઓ ક્યાંથી લાવ્યા હતા અને ક્યાં લઈ જતા હતા જેવી બાબતોની તપાસ ચાલી રહી છે.