વિદ્યાર્થિની પર દુષ્કર્મ કરનાર ટ્યૂશન ટીચર ઝડપાઈ ગયો
લગ્નની લાલચ આપીને કરતો રહ્યો કુકર્મ : યુવતી ૧૭ વર્ષની હતી ત્યારે ફસાવીને બળાત્કાર, નકલી લગ્ન કર્યા અને વિવિધ સ્થળોએ હનીમૂન માટે લઈ ગયો
અમદાવાદ, તા.૧૦ : શનિવારે સાંજે ૨૨ વર્ષની યુવતીએ ઓઢવ પોલીસ સ્ટેશનમાં ઓશો મિશ્રા નામના ટ્યૂશન ટીચર સામે ફરિયાદ નોંધાવી છે. આ ટ્યૂશન ટીચર યુવતીના ઘરની નજીક જ રહેતો હતો અને તે ૧૭ વર્ષની હતી ત્યારે તેની સાથે બળાત્કાર કર્યો હતો. યુવતીને લગ્નનું વચન આપીને તેનું મોં બંધ કરાવી રાખ્યું હતું. ટ્યૂશન ટીચરે બાદમાં તેના કોઈ મિત્રની ઓફિસમાં નકલી લગ્નનું આયોજન પણ કર્યું હતું. લગ્ન બાદ યુવતીને વડોદરા, ગાંધીનગર, ઉદેયપુર અને દિલ્હીના વિવિધ સ્થળોએ હનીમૂન માટે લઈ ગયો હતો. પછીથી ઘર છોડીને નાસી ગયો હતો. ઝોન ૫ના ડીસીપી અચલ ત્યાગીએ જણાવ્યું કે, તેમણે દુષ્કર્મના ગુના હેઠળ ટ્યૂશન ટીચરની અટકાયત કરી છે.
પોલીસના સૂત્રોના જણાવ્યા અનુસાર, હાલ મ્જીષ્ઠ કરી રહેલી યુવતી ૧૭ વર્ષની હતી ત્યારે આ ટ્યૂશન ટીચરના સંપર્કમાં આવી હતી. તેણીના નાના ભાઈનું સ્કૂલ એડમિશનનું ફોર્મ ભરવા માટે પરિવારને કોઈની મદદની જરૂર હતી. એ વખતે તેમણે આ ટ્યૂશન ટીચર પાસેથી મદદ લીધી હતી. પોલીસે કહ્યું, એ વખતે ઓશો મિશ્રાએ ફોર્મ ભરી આપ્યું હતું અને યુવતી સાથે ફોન નંબરની આપ-લે કરી હતી. બાદમાં તેણે યુવતીને મેસેજ મોકલવાના શરૂ કર્યા હતા અને તેને પામવાની કેટલી ઈચ્છા છે તે સાબિત કરવા માટે પોતાનું કાંડું કાપી નાખ્યું હતું. મિશ્રા યુવતીને કાપેલા કાંડાની તસવીરો મોકલતો હતો.* બાદમાં ટ્યૂશન ટીચરે યુવતીને પોતાના ઘરે ઈંગ્લિશ ગ્રામર શીખવા આવવા માટે દબાણ કર્યું હતું, તેમ પોલીસ સૂત્રોનું કહેવું છે.
પોલીસના સૂત્રએ આગળ કહ્યું, એકવાર યુવતી તેના ઘરે ટ્યૂશન માટે ગઈ ત્યારે તે એકલો હતો. એકલતાનો લાભ લઈને તેણે યુવતી પર બળાત્કારની કોશિશ કરી હતી પરંતુ યુવતીએ પ્રતિકાર કર્યો હતો. જો કે, મિશ્રાએ યુવતીની તસવીરો ખેંચી લીધી હતી અને વાયરલ કરવાની ધમકી આપીને બળાત્કાર કર્યો હતો. તેણે યુવતીને લગ્નનું વચન આપ્યું હતું અને લગ્ન માટે પોતાના ફ્રેન્ડની ઓફિસે પણ લઈ ગયો હતો. જ્યાં નકલી લગ્નની તમામ વ્યવસ્થા કરી રાખી હતી.