એજીવિકેએસના તમામ સભ્યો સરકારની જાહેરાત બદલ ૧રમીથી કેસરી પટ્ટી ધારણ કરી આભાર માનશે

રાજકોટ, તા. ૧૦ : અખિલ ગુજરાત વિદ્યુત કામદાર સંઘની યાદી ઉમેર છે કે તાજેતરમાં રાજયના મુખ્યમંત્રી, શ્રી વિજયભાઇ રૂપાણી નાયબ મુખ્યમંત્રી, શ્રી નીતિનભાઇ પટેલ તથા ઉર્જાપ્રધાન શ્રી સૌરભભાઇ પટેલનું બહુમાન અને અભિવાદન કરવાના કાર્યક્રમ ગાંધીનગર ખાતે સંઘના પ્રમુખશ્રી ભરતભાઇ પંડયા અને કાર્યકારી પ્રમુખશ્રી વાસણભાઇ આહીરની આગેવાનીમાં રાખવામાં આવેલ હતો તેમજ સુપરપાવર વર્કીંગ કમીટીના સભ્યો હાજર રહેલ. આ કાર્યક્રમમાં સંઘના પ્રમુખશ્રીના પ્રસ્તાવ અનુસાર સરકારશ્રી દ્વારા એજીવીકેએસની માંગણીઓને ઉર્જા ખાતાના કર્મચારીઓના નીચે મુજબના લાભો મંજુર કરવામાં આવેલ છે. સાતમા વેતનની અમલવારી, વિદ્યુત સહાયકોના પગાર વધારાને મંજુરી, કંપની ચેન્જના પ્રશ્ને હકારાત્મકતા દાખવી નિર્ણય કરવા સહમતી, ઉર્જાખાતા કર્મચારીઓને ૧૦ મહીનાની એરિયર્સની ચૂકવણી કરી આપવાની મંજૂરીનો સમાવેશ થાય છે.