અમદાવાદમાં લોકો પાસેથી પોલીસના નામે રૂપિયા ઉઘરાવતો નકલી ડીવાયએસપી ઝડપાયો

અમદાવાદઃ રાજ્યમાં એક બાજુ પોલીસની જવાનોની ઘટ પડી રહી છે ત્યારે હવે રાજ્યમાં ઠેર ઠેર પોલીસ વર્ધીમાં ફરી રહેલી નકલી પોલીસના કિસ્સાઓ વધી રહ્યા છે. અમદાવાદ શહેર કોટડા વિસ્તારમાંથી નકલી ડીવાયએસપીની શહેર કોટડા પોલીસે ઝડપી લીધો છે.

શહેર કોટડા પોલીસે ઝડપેલા આ નકલી ડીવાયએસપી લોકો પાસે પોલીસ વર્ધી પહેરીને લોકો પાસે રૂપિયા ઉઘરાવતા શખ્સની ધરપકડ કરી છે. નકલી પોલીસ બનીને લોકો પાસે રૂપિયા પડાવતા આ શખ્સનું નામ દિનેશ મહેરિયા છે અને છેલ્લા કેટલાક સમયથી આ વ્યકિત લોકો પાસે પોલીસ વર્ધી પહેરીને રૂપિયા પડાવતો હતો.

અમદાવાદ શહેર કોટડા પોલીસે મેમ્કો ચાર રસ્તા પરથી નકલી પોલીસ બનીને લોકો પાસે રૂપિયા પડાવતો શખ્સ પોલીસે ઝડપી લીધો છે. આ નકલી ડીવાયએસપી એ કેટલા લોકો સાથે છેતરપીંડી કરીને રૂપિયા પડાવ્યા અને કેટલા લોકો તેની સાથે મળેલા છે તે અંગે પોલીસે વધુ તપાસ હાથ ધરી છે.