ભાડાની દુકાનમાં કાપડનો વેપારી માથાભારે શખ્સોની મદદ લઇ સામાન કાઢી રફુચક્કર

વડોદરા: સુભાનપુરા વિસ્તારમાં ભાડાની દુકાનમાં કાપડનો વેપાર કરતી મહિલાને જાણ કર્યા વગર જમીન દલાલે કેટલાક માથાભારે શખ્સોની મદદ લઇને દુકાનમાંથી સામાન કાઢી એક ટેમ્પામાં ઉઠાવી ગયા બાદ દુકાનને તાળુ મારી દીધુ હતું. આ અંગે મહિલાએ ગોરવા પોલીસ સ્ટેશનમાં ફરિયાદ આપી હોવા છતા પોલીસ દ્વારા ફરિયાદ નોંધવાના બદલે ચોર કોટવાલને દંડે જેવી નીતિ અપનાવી મહિલાના પુત્રને લોકઅપમાં મુકી દીધો હતો. અમદાવાદના નહેરુનગર વિસ્તારમા રહેતા જ્યોતીબેન પંજાબી કાપડનો વેપાર કરે છે તેમની સુભાનપુરા વિસ્તારમાં રાધીકા સોસાયટીના એપાર્ટમેન્ટમાં કાપડની દુકાન પણ ભાડેથી છે. આ દુકાનના માલીક નયનભાઇ ઠક્કર મુંબઇમાં રહે છે. જ્યોતીબેને પોલીસને આપેલી ફરિયાદમાં જણાવ્યુ છે કે અમે દર મહિને ભાડુ આપતા હોવા છતા દલાલ જીતેન્દ્રભાઇ દ્વારા દુકાનનું તાળુ તોડી અંદરથી કાપડનો સામાન ભરીને એક ટેમ્પામાં ઉઠાવી ગયા હતાં અને દુકાનને બીજુ તાળુ મારી દીધુ હતું.