ગુજરાત
News of Friday, 8th June 2018

રાચીમાંથી સગીરાનું અપહરણ કરનાર બે નરાધમોની પોલીસે મોડાસામાંથી ધરપકડ કરી

મોડાસા: નગરની સહારા સોસાયટીમાં રાંચીમાંથી અપહૃત સગીરા તેમજ અપહરણકર્તા આરોપીઓને જિલ્લા એલસીબી ટીમે ઝડપી ગુનો ઉકેલ્યો હતો. ઝારખંડ રાજયના રાંચી શહેરમાંથી ગત ૨૧મી મે ના રોજ એક સગીરાનું અપહરણ કરાયું હતું. આ સગીરાના અપહરણ થી રાંચી માં ચકચાર મચી હતી.અને જગન્નાથપુર પોલીસ સ્ટેશનમાં ગુનો નોંધાયો હતો. રાંચીથી અપહરણ કરાયેલી સગીરાને આરોપીઓ મોડાસા ખાતે લાવ્યા હોવાની સનસનીખેજ બાતમી જિલ્લા એલસીબી ને મળતાં જ પોલીસ તંત્ર હરક્તમાં આવ્યું હતું. જિલ્લાના ઈનચાર્જ ડીએસપી ફાલ્ગુનીબેન પટેલ ના ઓના માર્ગદર્શન અને રાહબરી હેઠળ એલસીબી પોલીસ ઈન્સ્પેકટર એન.કે.રબારી એ આરોપીઓને ઝડપી લેવા અને સગીરાને મુક્ત કરવા જાળ બીછાવી હતી.રાંચીથી ઉઠાવી લવાયેલી સગીરા નગરની સહારા સોસાયટીના મકાન નંબર -૧ માં હોવાની મળેલી બાતમી બાદ ખાનગી રીતે તપાસ હાથ ધરાઈ હતી.

(6:08 pm IST)