વડોદરાના બાપોદ વિસ્તારમાં બેલ્ટ ખરીદવાના બહાને દુકાનમાં પ્રવેશી બે ગઠિયા વેપારીની નજર સેરવી કાઉન્ટર પર રાખેલ મોબાઈલ ચોરી છનનન.....

વડોદરા: શહેરના બાપોદ વિસ્તારમાં બેલ્ટ (પટ્ટો ) ખરીદવાના  બહાને દુકાનમાં પ્રવેશેલા બે ગઠિયા વેપારીની નજર ચૂકવી કાઉન્ટર ઉપર મુકેલો મોબાઈલ ફોન ચોરી ફરાર થઈ જવાનો બનાવ પોલીસ ચોપડે નોંધાયો છે

વડોદરા શહેરના ન્યુ વીઆઇપી રોડ પર આવેલી  સોસાયટીમાં રહેતા જયદીપભાઇ લુલ્લા મુખી નગર ત્રણ રસ્તા પાસે દુકાન ધરાવે છે ગઈકાલે બપોરના સમયે તેઓ દુકાન પર હાજર હતા અને પોતાનો મોબાઈલ કાઉન્ટર ઉપર મૂક્યો હતો તે  વખતે બે અજાણ્યા શખ્સો દુકાનમાં પ્રવેશી અલગ-અલગ બેલ્ટ (પટ્ટા) ચકાસ્યા હતા. આ સમયે વેપારીની નજર ચૂકવી રૂપિયા 8,000 ની કિંમત ધરાવતા મોબાઈલ ફોન ની ચોરી કરી બંને શખ્સો બેલ્ટ પસંદ આવ્યો નથી તેમ જણાવી રવાના થઇ ગયા હતા.