મહેસાણાના મોહનપુરામાં બે જૂથ વચ્ચે અથડામણ :છ લોકોને ઇજા
મોડીરાત્રે ઘાતક હથિયારો સાથે બે જૂથ સામસામે આવ્યા : કડક બંદોબસ્ત ગોઠવાયો
મહેસાણા મોહનપુરા વિસ્તારમાં મોડી રાત્રે બે જૂથો વચ્ચે અથડામણ થઇ હતી. ઘાતક હથિયારો સાથે સામ સામે આવી ગયેલા ટોળાંએ એકાબીજા પર હુમલો કરતા છ વ્યક્તિને ગંભીર ઇજા પહોંચી હતી.
મળતી માહિતી પ્રમાણે મહેસાણાના મોહનપુરા વિસ્તારમાં રહેતા દીપકજી ઠાકોરને આ વિસ્તારમાં રહેતા રાજેશ ઠાકોર અને કરણ ઠાકોરે ફોન કરી રેલવે સ્ટેશન બોલાવ્યો હતો અને જૂની અદાવતના કારણે બંને વચ્ચે જોરદાર મારપીટ થઇ હતી.
બંને જૂથના ટોળાંએ ઘાતક હથિયારો સાથે આમને સામને આવી જઇ એકાબીજા પર હુમલા કરતા ટીકાજી વદાજી, ઇશ્વરની બદાજી, અજયજી ગમાજી, દિનેશજી પ્રતાપજી અને દીપક ઠાકોર સહિત છને ઇજા પહોંચી તમામને સારવાર માટે ખસેડવામાં આવ્યા હતા.
આ ઘટનાના કારણે મોહનપુરા વિસ્તારમાં ભારે તંગદિલી છવાઇ હતી. બનાવની જાણ થતા પોલીસે તાત્કાલીક પહોંચી જઇ સમગ્ર વિસ્તારમાં કડક બંદોબસ્ત ગોઠવી દીધો હતો.