અમદાવાદે દેશમાં ઇલેક્ટ્રિક બસનો સૌથી મોટો ઓર્ડર ટાટા મોટર્સને આપ્યો : 300 બસ લવાશે

ટેન્ડર પ્રક્રિયામાં ટાટા મોર્ટસની કિંમત સૌથી ઓછી

 

અમદાવાદ : દેશમાં ઈલેક્ટ્રીક બસનો એક મોટો ઓર્ડર અમદાવાદ જનમાર્ગ દ્વારા આપવામાં આવ્યો છે. અમદાવાદ મ્યુનિ. કોર્પોરેશને આ ઓર્ડર ટાટા મોર્ટસને આપ્યો છે. જેમાં 300 જેટલી ઈલેક્ટ્રીક બસ અમદાવાદ ખાતે લાવવામાં આવશે અને તેની જાળવણી કરવામાં આવશે.

    અમદાવાદ જનમાર્ગ લિમિટેડ દ્વારા ટેન્ડરની પ્રક્રિયા હાથ ધરવામાં આવી હતી. આ ટેન્ડર પ્રક્રિયામાં ટાટા મોર્ટસની કિંમત સૌથી ઓછી હતી. કંપની દ્વારા ઓર્ડર મળ્યા બાદ 6થી 8 મહિનામાં વાતાનુકૂલિત બસોની અમદાવાદ ખાતે પહોંચાડી દેવાશે. અમદાવાદ જનમાર્ગ લિમિટેડ દ્વારા 8 વર્ષ સુધી આ કરાર કરવામાં આવ્યો છે.