રાસનોલ ખળીમાંથી ૬૪ હજારની મત્તાની તમાકુની ચોરી

આણંદ તાલુકાના રાસનોલ-ગબાપુરા રોડ ઉપર આવેલી તમાકુની ખળીમાંથી ૬૪ હજારની મત્તાની તમાકુની ચોરી થવા પામતાં આ અંગે ખંભોળજ પોલીસે ગુનો દાખલ કરીને તપાસ હાથ ધરી છે.

પ્રાપ્ત વિગતો અનુસાર રાસનોલ ખાતે રહેતા ચીમનભાઈ રણછોડભાઈ પટેલનું ગબાપુરા રોડ ઉપર તમાકુનુ ંગોડાઉન આવેલું છે જેને યુપીમાં રહેતા પંકજકુમાર તીવારીએ ભાડેથી લીધું છે અને પંકજ એન્ટરપ્રાઈઝના નામે તમાકુનો લે-વેચનો ધંધો કરે છે.

ગત ૨૩મી તારીખના રોજ રાત્રીના સુમારે કેટલાક તસ્કરો ત્રાટક્યા હતા અને પાછળના ભાગે આવેલ ગોડાઉનની છતનું પતરું ઊંચુ કરીને અંદર પ્રવેશ કરી અંદરથી તમાકુની ૧૬૦ ફોલની ગુણો કે જેની કિંમત ૬૪ હજાર રૂપિયા જેટલી થવા જાય છે તેની ચોરી કરીને ફરાર થઈ ગયા હતા.