News of Friday, 4th October 2019
અલ્પેશ ઠાકોરની વધશે મુશ્કેલી : જૂનો વિડિઓ વાયરલ : રઘુ દેસાઈને જીતાડવા કરે છે અપીલ
અમદાવાદ : ભાજપના નેતા અને રાધનપુર વિધાનસભા બેઠકની પેટાચૂંટણીના ઉમેદવાર અલ્પેશ ઠાકોરની મુશ્કેલીમાં વધારો થઈ શકે છે. ચૂંટણી આવતાં જ અલ્પેશ ઠાકોરનો જૂનો વીડિયો સોશિયલ મીડિયામાં વાયરલ થઈ રહ્યો છે. આ જૂના વીડિયોમાં તે કોંગ્રેસના ઉમેદવાર રઘુ દેસાઈને જીતાડવા માટે અપીલ કરી રહ્યો છે. ત્યારે કોંગ્રેસ સહિત તેના વિરોધીઓ જોરશોરથી અલ્પેશનો આ વીડિયો સોશિયલ મીડિયામાં વાયરલ કરી રહ્યાં છે.અત્રે ઉલ્લેખનીય છે કે કોંગ્રેસને છોડીને ભાજપમાં આવેલા અલ્પેશ સામે આ પેટાચૂંટણીમાં કોંગ્રેસે રઘુ દેસાઈને મેદાનમાં ઉતાર્યા છે.
(10:57 pm IST)