દાહોદ : શાળાના આચાર્ય અને શિક્ષિકા વચ્ચેના પ્રેમાલાપનો વિડિયો વાયરલ : પંથકમાં ચકચાર
ગામના આગેવાનોએ અગાઉ બંનેની પ્રેમલીલાથી શિક્ષણાધિકારીને વાકેફ કર્યા હતા
દાહોદ :શાળામાં પ્રેમી યુગલ વચ્ચેની પ્રેમલીલાના વાયરલ થયેલી વિડીયો ક્લિપે દાહોદ પંથકમાં ભારે હોબાળો મચાવ્યો છે. પ્રેમી યુગલ શાળાના આચાર્ય અને શિક્ષિકા વચ્ચેની પ્રેમલીલા હોવાનું માનવામાં આવી રહ્યુ છે. દાહોદ જિલ્લાના જ સંજેલી તાલુકાની એક શાળાના જ આ બંન્ન શિક્ષકો હોવાનું અને આ ગામના આગેવાનનો દ્વારા અગાઉ જ જિલ્લા શિક્ષણાધિકારીને આચાર્ય અને શિક્ષિકાની પ્રેમલીલાની કરતૂતોથી વાકેફ કર્યા હતા.
વાયરલ થયેલી વિડીયો ક્લિપ મુજબ શિક્ષિકા અને આચાર્ય વચ્ચેની પ્રેમલીલી શાળાના એક ઓરડામાં જ થઇ રહી છે. વિડીયો ક્લિપ બહાર આવતાં આ બંન્ને શિક્ષકો સંજેલી તાલુકાની એક શાળાના જ હોવાનું મનાય છે. આ વિસ્તારના આગેવાનોએ દસ વિવિધ મુદ્દાઓને સાથે જિલ્લા શિક્ષણાધિકારીને રજૂઆત પણ કરી હોવાનું કહેવાય છે. અલબત્ત, આ ક્લિપ બાબતે પણ આ વિસ્તારમાં જ ભારે ચર્ચાનો વિષય રહ્યો છે.