કાંકરેજના ઉચરપીમાં કચરાના ઢગલામાં લાગેલ આગ વિકરાળ બની રહેણાંક મકાનમાં ફેલાઈ

કાંકરેજ તાલુકાના ઉચરપી ગામે બપોરના સુમારે પ્રાથમિક શાળાની સામે કચરાનો ઢગલામા અચાનક કોઈ કારણોસર આગ લાગી હતી. આગે જોતજોતામાં વિકરાળ સ્વરૂપ ધારણ કરી થોડી ક્ષણોમાં બાજુમાં આવેલ ઘરની અંદર પ્રસરી ગઈ હતી.

 આ બાબતે થરા નગર પાલિકાના ફાયરફાઇટરોને જાણ કરતા ફાયરમેન અરવિંદજી મકવાણા તેમજ હરજીભાઈ દેસાઈ ઘટના સ્થળે દોડી આવી પાણીનો છંટકાવ કરી આગ પર કાબુ મેળવ્યો હતો.આ બનાવના પગલે ગામમાં દોડધામ થઇ જવા પામી હતી.જોકે, ફાયરફાઇટરોની ત્વરિત કાર્યવાહીના કારણે મોટું નુકશાન તેમજ જાનહાની ટળી હતી.