સુરતના રિંગ રોડ સ્થિત બે કાપડના વેપારી પાસેથી 34 લાખનું કાપડ ખરીદી મુંબઈ-બિહારના બે વેપારી પેમેન્ટ ન કરી રફુચક્કર

સુરત: શહેરના રીંગરોડ સ્થિત સુરત ટેક્ષ્ટાઈલ માર્કેટ તેમજ અનુપમ ટેક્ષ્ટાઈલ માર્કેટના બે વેપારી પાસેથી મુંબઇ અને બિહારના બે વેપારીએ કુલ રૂ.34.05 લાખની સાડી અને એમ્બ્રોઇડરી વર્ક કરાવેલું કાપડ ખરીદી પેમેન્ટ કર્યું ન હતું અને જાનથી મારી નાખવાની ધમકી આપી હતી.

પોલીસ સૂત્રો દ્વારા પ્રાપ્ત થતી વિગતો મુજબ મૂળ રાજસ્થાનના વતની અને સુરતમાં ડીંડોલી અંબિકા ટાઉનશિપ ઘર નં.ડી/1/402 માં રહેતા 29 વર્ષીય પ્રવિણભાઈ રાજેન્દ્રકુમાર શર્મા રીંગરોડ સ્થિત સુરત ટેક્ષ્ટાઈલ માર્કેટમાં શ્રી શ્યામ સારીઝના નામે સાડીનો વેપાર કરે છે.