Gujarati News

અમદાવાદઃ ગુજરાતમાં એક પછી એક પરીક્ષાના પેપરો ફૂટી રહ્યાં છે. ત્યારે હવે અરવલ્લી જિલ્લામાં પણ ધોરણ 10ની એકમ કસોટીનું પેપર લીક થયું છે. અંગ્રેજી અને ગણિતની એકમ કસોટીનું 25 માર્કનું પેપર બુધવાર સાંજથી જ સોશિયલ મીડિયાના વિવિધ ગ્રુપમાં વાયરલ થયું છે.

પરીક્ષા શરૂ થવાના 12 કલાક પહેલાં જ પેપર લીક થયું હોવાનું સામે આવ્યું છે. પેપર હાથમાં આવતા જ અમુક શાળાઓમાં તો વિદ્યાર્થીઓ ઘરેથી જ જવાબો લખીને ગયા હોવાનો પણ ખુલાસો થયો છે. નોંધનીય છે કે, આ રીતે સતત લીક થતાં પેપરના કારણે તેજસ્વી વિદ્યાર્થીઓના ભાવિ સાથે ચેડાં થઇ રહ્યાં છે.

ઉલ્લેખનીય છે કે હેડ ક્લાર્ક પેપર લીક મામલે પોલીસે હિંમતનગરના કાણીયોલ ગામે પિતા-પુત્રની અટકાયત કરવામાં આવી હતી. પોલીસે પેપર લીક કાંડમાં 28થી વધારે આરોપીઓને અત્યાર સુધીમાં જેલ હવાલે કર્યા છે.