Gujarati News

અમદાવાદ: સીબીઆઇ કોર્ટ ખાતે ડાયમંડ પાવરના એમડી અમિત ભટનાગર, તેમના ભાઈ સુમિત અને પિતા સુરેશ ભટનાગરને રજૂ કરાયા હતા સીબીઆઇ દ્વારા 14 દિવસના રિમાન્ડની માગણી કરી અને આ રિમાન્ડની માગણીના ટેકામાં સીબીઆઇ દ્વારા દલીલ કરાઈ હતી કે આ કેસમાં જાહેર સેવકો (બેંકના અધિકારીઓ) તથા ખાનગી વ્યક્તિઓ પણ સંડોવાયેલી છે. આરોપીએ તપાસમાં સહકાર આપતા નથી, તેથી રિમાન્ડ મેળવવા જરૃરી છે. કોર્ટે તમામ આરોપીઓના 9 દિવસનાં રિમાન્ડ મંજૂર કર્યા છે.

બીજી તરફ સુરેશ ભટનાગર તરફે એવી રજૂઆત કરવામાં આવી હતી કે, તેમને ત્રણ વખત હાર્ટ એટેક આવ્યો છે. આરોપીઓ સામે માત્ર દસ્તાવેજી પુરાવા જ છે.

      સીબીઆઇની કાર્યવાહીનો ઘટનાક્રમ :

• તા. 26 માર્ચે CBIએ અમિત, સુમિત અને સુરેશ ભટનાગર અને મળતિયા વિરુદ્વ ગુનો નોંધ્યો -
• તા. 5 એપ્રિલે અમિત ભટનાગરની ઓફિસ અને ઘરે CBIએ દરોડા પાડયાં
• તા. 9 એપ્રિલે ભટનાગરની ગોરવા ખાતેની કોર્પોરેટ ઓફિસ, રણોલી અને સમલાયાની ફેક્ટરીઓ, નિઝામપુરા ગ્રીન હાઉસ સોસાયટી અને ન્યૂ અલકાપુરી ખાતેના નિવાસસ્થાનો મળી ૭ સ્થળે ઇડીએ દરોડા પાડયાં હતા.
• તા.10 એપ્રિલે ઇન્કમટેક્સ વિભાગે ભટનાગરની કંપની ખાતે દરોડા રેઇડ કરી હતી. કોર્પોરેટ ઓફિસમાંથી વાંધાજનક દસ્તાવેજો તેમજ 3 લાખની રોકડ, રૃ.40 લાખના ઘરેણાં જપ્ત કર્યા હતા. -
• તા.15 એપ્રિલે ભટનાગર ત્રિપુટીને પકડવા CBIએ મોટી હોટલો તેમજ ફાર્મહાઉસોમાં દરોડા પાડયાં હતા.
• તા. 17 એપ્રિલે CBI અને એટીએસએ ભેગાં મળી ઉદેપુરથી સુરેશ, અમિત અને સુમિત ભટનાગરની ધરપકડ કરી હતી.