Gujarati News

અમદાવાદઃ રાજ્યમાં કોરોનાના કહેર વચ્ચે  છેલ્લા 24 કલાકમાં રાજ્યમાં 5 લોકો સ્વસ્થ થતા તેઓને  હોસ્પિટલમાંથી રજા અપાઈ છે કોરોનાને પરાસ્ત કરી સ્વસ્થ થયેલા ચાર લોકોમાંથી ત્રણ વૃદ્ધ અને બે વિદેશ પ્રવાસ કરીને આવ્યા હતા. જ્યારે બે લોકો વેન્ટીલેટર પર છે અને 59ની હાલત સ્થિર છે.

અમદાવાદમાં  વૃદ્ધ દર્દીઓ સ્વસ્થ થઈ જતા તેઓને SVP હોસ્પિટલમાંથી રજા આપવામાં આવી છે. જેમાં 62 વર્ષની મહિલા અને 65 વર્ષના વૃદ્ધનો સમાવેશ થાય છે.જ્યારે અસારવા સિવિલમાંથી 60 વર્ષીય વૃદ્ધને રજા આપી છે. આ પહેલા 29 માર્ચે અમદાવાદમાં કોરોના પોઝિટિવનો પ્રથમ કેસ બનેલી આંબાવાડીની યુવતી સંપૂર્ણ પણે સ્વસ્થ થઈ જતાં એસવીપી હોસ્પિટલમાંથી રજા આપવામાં આવી હતી. આ યુવતી ફિનલેન્ડના પ્રવાસેથી આવ્યા પછી કોરોનાનો શિકાર બની હતી.