Gujarati News

Gujarati News

News of Monday, 30th November 2020

ગુપ્તા સાહેબ શહેરની જનતાને મોતનો મુખમાં ન નાખ્યો અને સાચુ બોલો તેવી અપેક્ષાઃ અમદાવાદમાં કોરોના આંકડા મુદ્દે ધારાસભ્ય ઇમરાન ખેડાવાલાએ ટવીટ કરતા મ્યુનિશિપલ કમિશનરે બ્લોક કર્યા

અમદાવાદ : હાલ અમદાવાદમાં કોરોનાની સ્થિતી ખુબ સ્ફોટક બની છે. શહેરમાં રોજનાં 350 જેટલા નવા કેસ સામે આવી રહ્યા છે. કોર્પોરેશન દ્વારા કોરોના પર કાબુ મેળવવા માટે અન્ય પ્રયાસો કરવામાં આવી રહ્યા હોવા છતા કોરોના હજી પણ બેકાબુ છે. જો કે મહામારી વચ્ચે કોર્પોરેશનના અધિકારીઓ કોરોનાને બદલે આંકડાઓ છુપાવી રહ્યા હોવાનો આક્ષેપ ધારાસભ્ય ઇમરાન ખેડાવાલા દ્વારા કરવામાં આવ્યો હતો. કોર્પોરેશનના અધિકારીઓ દ્વારા કામમાં ઢીલાશ રખાતી હોવાનો તેમણે આરોપ લગાવ્યો હતો

કોર્પોરેશન પર બેકાબુ કોરોનાને દબાવવા માટે મુકાયેલા ખાસ અધિકારી રાજીવ ગુપ્તાને નિશાને લઇને ટ્વીટ કરીને કહ્યું કે, ગુપ્તા સાહેબ શહેરની જનતાને મોતના મોઢામાં નાખો અને સાચુ બોલો તેવી અપેક્ષા. ટ્વીટ મુખ્યમંત્રી અને નાયબ મુખ્યમંત્રીને પણ ટેગ કર્યા હતા. ટ્વીટ બાદ ગુપ્તાએ તેમને બ્લોક કર્યા હતા

અત્રે ઉલ્લેખનીય છે કે, ધારાસભ્ય ઇમરાન ખેડાવાલા પોતે પણ કોરોનાની સારવાર લઇ ચુક્યા છે. SVP તેમની પોતાની સારવારનાં તેઓ વખાણ પણ કરી ચુક્યા છે. તેઓએ એસવીપીના સ્ટાફ, તબીબ અને મ્યુનિસિપલ કોર્પોરેશનનો પણ આભાર વ્યક્ત કર્યો હતો. તત્કાલીન એએમસી કમિશ્નર વિજય નહેરાનો પણ આભાર વ્યક્ત કર્યો હતો.

(5:36 pm IST)
  • દેશમાં પ્રવર્તતી કોવિડ-૧૯ની પરિસ્થિતિની ચર્ચા કરવા મોદી સરકારે ૪થી ડિસેમ્બરે સવારે ૧૦:૩૦ વાગ્યે સર્વપક્ષીય બેઠક બોલાવી છે access_time 2:01 pm IST

  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST

  • સામાજિક કાર્યકર સ્વ.બાબા આમ્ટેની પુત્રી ડો.શીતલ આમ્ટે એ આત્મહત્યા કરી : આનંદવન ખાતેના નિવાસ સ્થાને ઝેરનું ઇન્જેક્શન લઇ જીવન ટૂંકાવી લીધું access_time 6:53 pm IST