Gujarati News

Gujarati News

News of Monday, 30th November 2020

પાલનપુરના માન સરોવર તળાવમાં ડૂબી જવાથી વધુ એક યુવકનું મૃત્યુ નિપજતા અરેરાટી

પાલનપુર: શહેરના માન સરોવર તળાવમાં વધુ એક યુવકનું ડૂબી જવાના કારણે મોત નીપજ્યું છે. વહેલી સવારે તળાવ કાંઠે એક યુવક કોઈ અગમ્ય કારણોસર તળાવમાં પાણીમાં ગરકાવ થયો હતો. બનાવ અંગે સ્થાનિક લોકોને જાણ થતાં પાલિકા અને પોલીસને જાણ કરવામાં આવતા પોલીસ અને ફાયરની ટીમે દોડી આવી હતી. સ્થાનિક તરવૈયાઓની મદદથી રેસ્ક્યુ કરીને ભારે જહેમતના અંતે યુવકના મૃતદેહને બહાર કાઢ્યો હતો.

પાલનપુરમાં રવિવારની વહેલી સવારે કોઈ યુવક માનસરોવર તળાવમાં ડૂબ્યો હોવાની વાત વહેતી થતા આજુબાજુથી લોકો દોડી આવ્યા હતા અને બનાવ અંગે પોલીસ તેમજ ફાયર ફાયરને જાણ કરવામાં આવતા પોલીસ અને ફાયરની ટીમ ઘટના સ્થળે પહોંચી જઈ સ્થાનિક તરવૈયાઓની મદદથી તળાવમાં ડૂબેલા યુવકની શોધખોળ હાથ ધરી હતી. જેમાં ભારે જહેમતના અંતે તળાવના કીચડમાં ખુંપી ગયેલા યુવકના મૃતદેહ બહાર કાઢવામાં આવ્યો હતો. જોકે પોલીસની પ્રાથમિક તપાસમાં મૃતક ડોંગિયા મડાણા બાજુનો જ્યંતિ પ્રકાશભાઈ વેડું નામનો યુવક જાણવા મળાત બનાવ અંગે મૃતકના પરિવારને જાણ કરવામાં આવી હતી. લાશને પોસ્ટ મોર્ટ માટે પાલનપુર સિવિલ હોસ્પિટલમાં લઈ જવામાં આવી હતી. જોકે પાલનપુરના ઐતિહાસિક માનસરોવર તળાવમાં બારે માસ ગટરનું દૂષિત પાણી ભરાયેલું રહેતું હોઈ આ તળાવમાં અવાર-નવાર ડૂબી જવાની ઘટનાઓ સર્જાઈ રહી છે.

(5:23 pm IST)
  • દેશમાં કોરોનાના કેસનો કુલ આંકડો 94 લાખને પાર પહોંચ્યો : મૃત્યુઆંક 1.37 લાખથી વધુ :રાત્રે 11 વાગ્યા સુધીમાં કોરોનાના નવા 37,685 કેસ નોંધાયા:કુલ કેસની સંખ્યા 94, 30,724 થઇ :એક્ટીવ કેસ 4,46,658 થયા : વધુ 43,590 દર્દીઓ સ્વસ્થ થતા કુલ 88,44,751 રિકવર થયા :વધુ 419 લોકોના મોત સાથે કુલ મૃત્યુઆંક 1,37,152 થયો access_time 12:08 am IST

  • સુરતના ઔધોગીક વિસ્તારમાં વિજિલન્સ ટીમનો સપાટો: વીજ ચોરી કરતી 4 કંપનીઓ સામે આકરી કાર્યવાહી: ચારેય કંપનીમાંથી 2.98 કરોડની વીજ ચોરી ઝડપાઇ: કડક કાર્યવાહીને પગલે વીજચોરોમાં ફફડાટ access_time 1:10 pm IST

  • દિલ્હીમાં કોરોના ટેસ્ટના ભાવમાં ધરખમ ઘટાડો: દિલ્હીમાં આરટી-પીસીઆર પરીક્ષણના ભાવ રૂ. ૨૪૦૦ થી ઘટીને રૂ. ૮૦૦ થઈ ગયાનું કેજરીવાલની "આપ" સરકારનું કહેવું છે. access_time 8:52 pm IST