Gujarati News

Gujarati News

News of Monday, 30th November 2020

દીવમાં એક્સપાયર થવાથી કબ્જે કરેલ બિયરની 85 હજાર બોટલ અને 1.60 લાખ ટીન પર બુલડોઝર ફેરવી દેવાયું

લોકડાઉનના કારણે હોટલો તથા લીકર શોપ બંધ હોવાથી દારૂના વેચાણને મોટો ફટકો પડ્યો

દીવમાં લોકડાઉનના કારણે હોટલો તથા લીકર શોપ બંધ હોવાથી દારૂના વેચાણને મોટો ફટકો પડ્યો હતો. લોકડાઉનમાં વેચાણ ન થવાને કારણે એક્સપાયર થવાથી કબજે કરવામાં આવેલા રૂપિયા 1.40 કરોડના બિયરના જથ્થા પર તંત્ર દ્વારા રવિવારે બૂલડોઝર ફેરવી દેવાયું હતું. પ્રશાસન દ્વારા 137 હોટલ અને બારમાંથી કબજે કરાયેલી બિયરની બોટલો 85 હજાર અને 1.60 લાખ ટીનના જથ્થા પર બૂલડોઝર ફેરવી દેવાયું હતું.


દીવમા લદાયેલા લોકડાઉનના કારણે દારૂની તમામ દુકાનો પણ બંધ કરાઈ હતી. અચાનક આ દુકાનો બંધ થતાં હોટલ અને બારમાલિકો પાસે મોટા જથ્થામાં બિયરની બોટલો અને બીયરના ટીન પડી રહ્યાં હતાં. બિયરની એક્સપાયરી ડેટ છ મહિનાની જ હોય છે. લોકડાઉનમાં જ આ એક્સપાયરી ડેટ પૂરી થતાં તમામ જથ્થો એક્પાયર થઈ ગયો હતો. એકસાઈઝ ડિપાર્ટમેન્ટ દ્વારા દરેક દુકાનોમાંથી એકસપાયર થયેલા બિયરના જથ્થાને કબ્જે કરવામાં આવ્યો હતો. રવિવારે આસિસ્ટન્ટ કમિશનર ઓફ એકસાઈઝ કમ ડેપ્યુટી કલેક્ટર પોતાની ટીમ સાથે ચક્રતીર્થ બીચ પર ડમ્પીગ સ્થળે આ જથ્થાનો નાશ કર્યો હતો. આ પગલાથી દીવ જિલ્લાના લીકરના વેપારીઓને ભારે નુકસાન થયું છે

(11:41 am IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 11-30 વાગ્યા સુધીમાં કોરોનાના નવા 30,664 કેસ નોંધાયા : કુલ કેસની સંખ્યા 94, 62, 739 થઇ : એક્ટીવ કેસ 4,35,176 થયા : વધુ 41,427 દર્દીઓ સ્વસ્થ થતા કુલ 88,77,740 રિકવર થયા : વધુ 472 લોકોના મોત સાથે કુલ મૃત્યુઆંક 1,37, 649 થયો access_time 12:12 am IST

  • આજે ગુરૂનાનક જયંતિઃ કોરોના સંક્રમણ ધ્યાને લઇ જાહેર ઉજવણી બંધ : ઘેર ઘેર દીપ પ્રાગટય કરાશે : પ્રસાદ ફુડ પેકેટરૂપે અપાશે : શીખ અને સિંધી સમાજના હૈયે છવાતો ઉમંગ : ગુરૂદ્વારાઓમાં થશે સિમિત સંખ્યામાં પુજા અર્ચના : અખિલ વિશ્વ ગાયત્રી પરિવાર દ્વારા પણ દિપાંજલીનું આયોજન : રાજકોટના સદર બજાર ગુરૂદ્વારામાં સાદગીપૂર્ણ થશે ઉજવણી access_time 11:25 am IST

  • વિશ્વમાં કોરોનાના ૬.૩૦ કરોડથી વધુ કેસઃ ૧૪.૬૪ લાખ લોકોના મોત : વિશ્વમાં ૬,૩૦,પ૩,૦૦૦ કોરોનાના કેસઃ કુલ ૧૪,૬૪,૦૦૦ લોકોના મોતઃ ૪.૩પ કરોડ લોકો સાજા થયા છે છેલ્લા ર૪ કલાકમાં ૪.૯૬ લાખ કેસ આવ્યાઃ ૭ર૧૮ ના મોતઃ ભારતમાં કોરોનાનો મૃત્યુદર ૧૦૪૬ ટકા તો રિકવરી રેટ ૯૩.૬૮ ટકા છે access_time 11:26 am IST