Gujarati News

Gujarati News

News of Monday, 30th November 2020

કોરોનાના નિયમોનું પાલન ન થતાં ૬ એકમો સીલ

મ્યુનિસિપિલ કોર્પોરેશનની કડક કાર્યવાહી

નવી દિલ્હી, તા.૨૯ : અમદાવાદઃ શહેરમાં કોરોનાને અંકુશમાં લેવામાટે મ્યુનિસિપલ કમિશનરની સૂચનાથી સોલિડ વેસ્ટ ખાતાએ ચારેકોર માસ્ક વગર ફરતાં લોકોને પકડીને ટેસ્ટ કરાવવાની તથા દુકાનો-શોરૂમોમાં કોરોનાના નિયમોનું પાલન ના થતું હોય ત્યાં સીલ મારવાની કડ કાર્યવાહી શરૂ કરી છે. તેવી માહિતી આપતા હર્ષદરાય સોલંકી જણાવ્યું હતું કે, શનિવારે એસજી હાઈવે ઉપર આવેલા ક્રોમા સ્ટોર અને મહિન્દ્રા એન્ડ મહિન્દ્રાના શો-રૂમ સહિત ૬ એકમ સીલ કરવામાં આવ્યા છે. આ ઉપરાંત ૮૮ લોકોનો ટેસ્ટ કરીને ૧.૪૮ લાખ રૂપિયાનો દંડ વસૂલવામાં આવ્યો હતો. શહેરમાં કોરોના વાયરસનું સંક્રમણ રોકેટ ગતિએ વધી રહ્યું છે અને તેના કારણે સમગ્ર પરિવારો તથા સોસાયટીઓ-ફ્લેટના બ્લોકમાં જે રીતે ચેપ ફેલાઈ રહ્યો છે. તેના પગલે માઈક્રો કન્ટેનમેન્ટ વિસ્તારોની સંખ્યા હવે ૩૦૦ નજીક પહોંચવા આવી છે, જે દિવાળી પહેલા ૧૦૦ની આસપાસ રહેતા હતા. ખાનગી હોસ્પિટલો અને પ્રાઈવેટ બેડની સંખ્યા વધારવામાં આવી છે છતાંય ફક્ત ૩૨૪ બેડ જ ખાલી હોવાનું જાણવા મળ્યું છે.

વધુ ૧૮ જગ્યાને માઈક્રો કન્ટેનમેન્ટ ઝોન જાહેર કર્યા

*       પશ્ચિમ ઝોન- કૈલાશ એવેન્યુ, નવરંગપુરા

*       પશ્ચિમ ઝોન- દેવઆર્યન ફ્લેટ, પાલડી

*       પશ્ચિમ ઝોન- રામવિકાર સોસાયટી, પાલડી

*       ઉત્તર પશ્ચિમ ઝોન- કસ્તુરી કોમ્પેક્સ, બોડકદેવ

*       ઉત્તર પશ્ચિમ ઝોન- શાંતિપૂજ્ય હોમ્સ, ચાંદલોડિયા

*       ઉત્તર પશ્ચિમ ઝોન- અલકનંદા રેસિડેન્સી, ચાંદલોડિયા

*       ઉત્તર પશ્ચિમ ઝોન- અર્જુન એપાર્ટમેન્ટ, ઘાટલોડિયા

*       ઉત્તર પશ્ચિમ ઝોન- શુકન રેસિડેન્સી, ચાંદલોડિયા

*       ઉત્તર પશ્ચિમ ઝોન- સોપાન શરણ, ચાંદલોડિયા

*       ઉત્તર પશ્ચિમ ઝોન- નારેશ્વર ફ્લેટ, ઘાટલોડિયા

*       દક્ષિણ પશ્ચિમ ઝોન- અપેક્ષા સોસાયટી, વેજલપુર

*       દક્ષિણ પશ્ચિમ ઝોન- વિનસ પાર્કલેન્ડ, વેજલપુર

*       દક્ષિણ પશ્ચિમ ઝોન- રાજેશ્રી ટાવર, એ બ્લોક, જોધપુર

*       દક્ષિણ પશ્ચિમ ઝોન- રાજેશ્રી ટાવર, બી બ્લોક, જોધપુર

*       દક્ષિણ પશ્ચિમ ઝોન- આર્યન ગ્લોરિયા, એસ બ્લોક બોપલ

*       દક્ષિણ પશ્ચિમ ઝોન- આર્યન ગ્લોરિયા, એ બ્લોક, બોપલ

*       દક્ષિણ ઝોન- અશ્વમેઘ પર્લ એપાર્ટમેન્ટ, રામબાગ

*       દક્ષિણ ઝોન- તપોભૂમિ-૨, ઈસનપુર

(9:37 pm IST)
  • વલસાડ: દરિયા કિનારે અલ મદદ નામની બોટ મળી આવતા સ્થાનિકોમાં ભયનો માહોલ : પોલીસે ઘટના સ્થળે પહોંચી શંકાસ્પદ બોટ મામલે તપાસ હાથ ધરી access_time 1:08 pm IST

  • સુરતના ઔધોગીક વિસ્તારમાં વિજિલન્સ ટીમનો સપાટો: વીજ ચોરી કરતી 4 કંપનીઓ સામે આકરી કાર્યવાહી: ચારેય કંપનીમાંથી 2.98 કરોડની વીજ ચોરી ઝડપાઇ: કડક કાર્યવાહીને પગલે વીજચોરોમાં ફફડાટ access_time 1:10 pm IST

  • બંગાળના અખાતમાં ડિપ્રેશન બન્યુ, ૨૪ કલાકમાં ડિપડિપ્રેશનમાં ફેરવાશે : દક્ષિણ - પૂર્વ બંગાળના અખાત ઉપર ડિપ્રેશન સર્જાયુ છે જે ડિપ ડિપ્રેશનમાં ફેરવાઈ જાય તેવી પૂરી સંભાવના હોવાનું હવામાન ખાતાએ જણાવ્યુ છે access_time 1:28 pm IST