Gujarati News

Gujarati News

News of Friday, 30th October 2020

સાસુને વહુના સસરા સાથે આડા સબંધની શંકા હતી

હત્યાના પસ્તાવામાં નિકિતા લોકઅપમાં રડ્યા કરે છે : ગોતામાં સાસુની હત્યાની આરોપી નિકિતાએ ગુનો કબૂલી લેતા તે જેલમાં જ બાળકને જન્મ આપે એવી શક્યતા

અમદાવાદ, તા. ૩૦ : સાસુ સાથે જોરદાર ઝઘડો થતાં આવેશમાં આવી તેમની હત્યા કરનારી વહુ પોલીસ સ્ટેશનના લોકઅપમાં પસ્તાવાના આંસુ સારી રહી છે. શહેરના ગોતા વિસ્તારમાં બે દિવસ પહેલા નિકિતા અગ્રવાલ (ઉં. ૨૯ વર્ષ) પોતાની સાસુ રેખા અગ્રવાલ (ઉં. ૫૨ વર્ષ)ની માથામાં સળિયાના ઘા મારી હત્યા કરી હતી. નિકિતાએ સાસુની હત્યા કર્યા બાદ તેમની લાશ સળગાવવાનો પણ પ્રયાસ કર્યો હતો. મૂળ રાજસ્થાનની અને ગોતાના રોયલ હોમ્સ ફ્લેટ્સમાં પતિ અને સાસુ-સસરા સાથે રહેતી નિકિતા હાલ પોલીસની કસ્ટડીમાંછે.

પોલીસ સૂત્રોનું માનીએ તો, નિકિતા લોકઅપમાં સતત રડી રહી છે, અને પોતાના કર્યા પર તેને પસ્તાવો થઈ રહ્યો છે. તે વારંવાર એક વાત કહી રહી છે કે તેનાથી ખૂબ મોટી ભૂલ થઈ ગઈ. તેને આવેશમાં આવીને સાસુ પર હુમલો નહોતો કરવાનો. સાસુએ ઝઘડો શરુ કર્યો ત્યારે મારે ઘર છોડીને જતા રહેવું જોઈતું હતું તેમ પણ તે સતત કહી રહી છે.

પોલીસ જ્યારે નિકિતાને લોકઅપમાં લાવી ત્યારે તેની હાલત એટલી ખરાબ હતી કે તે સતત રડી રહી હતી અને પાણી પણ પી શકતી નહોતી. આખરે મહિલા પોલીસકર્મીઓએ તને સમજાવ્યા બાદ તેણે પાણી પીધું હતું.

બુધવારે સાસુ-અને વહુ વચ્ચે ઝઘડો થયો હતો. સાસુ રેખાને વહુ નિકિતાનું અફેર હોવાની શંકા હતી, અને તેને લઈને બંને વચ્ચે ઝઘડા થતા રહેતા હતા. નિકિતાના હજુ જાન્યુઆરી મહિનામાં લગ્ન થયા હતા, પરંતુ સાસુ-વહુને પહેલાથી નહોતું બનતું.

ઘટનાની જાણ થતાં નિકિતાના માતાપિતા અમદાવાદ દોડી આવ્યા હતા. તેઓ સૌ પહેલા નિકિતાના સાસરે પહોંચ્યા હતા, અને તેની સાસુની અંતિમવિધિમાં પણ ભાગ લઈ નિકિતાના પતિ અને અન્ય સંબંધીઓની માફી માગી હતી. ત્યારબાદ તેઓ પોલીસ સ્ટેશનમાં નિકિતાને મળી રાજસ્થાન ચાલ્યા ગયા હતા.

સૂત્રોના જણાવ્યા અનુસાર, નિકિતાને ચાર સપ્તાહનો ગર્ભ છે. તેની સાસુ રેખા અગ્રવાલને નિકિતાનું તેના સસરા સાથે અફેર હોવાની શંકા હતી, અને તેને લઈને તે અવારનવાર ઝઘડા કરતી હતી. નિકિતા પ્રેગનેન્ટ હોવાની જાણ થતાં તે બાળક પણ નિકિતાના સસરાનું હોવાની તેની સાસુને શંકા હતી.

અગ્રવાલ પરિવારમાં અવારનવાર ઝઘડા થતા રહેતા હતા. સાસુ-વહુની ચીસાચીસથી પાડોશીઓ પણ તંગ આવી ગયા હતા. નિકિતાના લગ્નને દસ મહિના થયા હતા. જોકે, સાસુ-વહુ વચ્ચે પહેલાથી બનતું નહોતું. નિકિતાનો તો ત્યાં સુધી આક્ષેપ છે કે સાસુ તેના પર અવારનવાર હાથ પણ ઉપાડતા હતા. સાસુની હત્યા કરનારી નિકિતા હાલ પ્રેગનેન્ટ છે. તેણે હત્યા કરી હોવાની કબૂલાત કરી લેતા હવે તેને સજા થશે તે પણ નક્કી છે. તેવામાં તેના બાળકનો જન્મ જેલમાં થાય તેવી પણ શક્યતા છે.

(7:28 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST