Gujarati News

Gujarati News

News of Friday, 30th October 2020

સુરતમાં સકારમાંથી શંકાસ્પદ હાલતમાં તમાકુના વેપારીની લાશ મળતાં ચકચાર

પીએમમાં વેપારીનું મોતનું કારણ કીડનીમાં ઇજાને કારણે થયાનું ખુલ્યું

સુરત : સિટીલાઈટ અશોક પાન સેન્ટરની બાજુની ગલીમાંથી ગઈકાલે મોડી સાંજે તમાકુના વેપારી તેમની કારમાંથી શંકાસ્પદ હાલતમાં બેભાન મળી આવ્યા હતા. તેમને સારવાર માટે ખાનગી હોસ્પિટલમાં ખસેડવામાં આવ્યા હતા ત્યાં ટૂંકી સારવાર દરમિયાન મોત નિપજ્યું હતું. પીએમમાં વેપારીનું મોતનું કારણ કીડનીમાં ઇજાને કારણે થયું હોવાનુ બહાર આવ્યું છે.

 

સુરતના સિટીલાઈટ મેધના પાર્ક વૃંદાવન ક્રિષ્ણા વાટીકા ખાતે રહેતા સ્નેહલ અશોકભાઈ તમાકુવાલા તમાકુના વેપાર ધંધા સાથે સંકળાયેલા છે. સ્નેહલભાઈ ગઈકાલે મોડી સાંજે પોણા સાતેક વાગ્યે સિટીલાઈટ અશોક પાન સેન્ટરની ગલીમાં તેમની કારમાંથી શંકાસ્પદ રીતે બેભાન હાલતમાં મળી આવ્યા હતા. અમિતભાઈ ભગત નામના વ્યકિતએ સ્નેહલભાઈને સારવાર માટે ખાનગી હોસ્પિટલમાં ખસેડયા હતા ત્યાં ટૂંકી સારવાર દરમિયાન તેમનું મોત નિપજ્યું હતું.
બનાવ અંગે પોલીસને જાણ થતા તે ઘટનાસ્થળે પહોંચી હતી. લાશને પીએમ માટે નવી સિવિલ હોસ્પિટલ ખાતે મોકલી હતી. પીએમમાં સ્નેહલ તમાકુવાલાનું મોતનું કારણ કીડનીમાં ઇજા થવાને કારણે થયું હોવાનુ બહાર આવ્યું છે. બનાવ અંગે પોલીસે ગુનો દાખલ કરી આગળ તપાસ હાથ ધરી છે.

(6:31 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST