Gujarati News

Gujarati News

News of Friday, 30th October 2020

વહેલી સવારે ઠંડક અને બપોરે ઉનાળા જેવી ગરમી સાથે ડબલ ઋતુના માહોલથી શરદી, ઉધરસ, વાઇરલ તાવના કેસમાં સતત વધારો

ગાંધીનગર: કોરોના સંકટ વચ્ચે ગુજરાતમાં ધીમા પગલે ઠંડીનું આગમન થઈ રહ્યું છે. જેને પગલે સવારે ઠંડીનો ચમકારો જોવા મળે છે, તો બપોરે પારો અચાનક 36 ડિગ્રીની આસપાર પહોંચી જતાં ગરમીનો અનુભવ થઈ રહ્યો છે. આમ બેવડી ઋતુના કારણે રાજ્યમાં રોગચાળો પણ વકરી રહ્યો છે.

ડબલ ઋતુના પગલે શરદી, ઉધરસ અને વાઈરલ ફિવરના કેસોમાં સતત વધારો થઈ રહ્યો છે. અમદાવાદમાં પ્રથમ વાર સિઝનનું તાપમાન 18.4 ડિગ્રી સુધી ગગડી જતાં શહેરીજનોને ઠંડીનો અનુભવ થયો હતો. બીજી તરફ 15.5 ડિગ્રી તાપમાન સાથે વલસાડ રાજ્યનું સૌથી ઠંડુ શહેર બન્યું છે.

રાજ્યમાં કોરોના સંક્રમિતોની સંખ્યા ભલે પહેલા કરતાં ઓછી આવતી હોય, પરંતુ શિયાળો આવતા કેસો વધવાની આશંકા નકારી શકાય નહી. આમ કોરોના કાળમાં ઠંડીની ઋતુના પગલે આરોગ્ય વિભાગની પણ ચિંતા વધી છે. છેલ્લા કેટલાક દિવસોથી શરદી, તાવ અને ઉધરસની સમસ્યાવાળા દર્દીઓમાં વધારો થઈ રહ્યો છે. બેવડી ઋતુના પગલે હેલ્થ એક્સપર્ટોએ કેટલીક સલાહ આપી છે. જેમાં વહેલી સવારે લોકોએ કુલર અને એસીનો ઉપયોગ કરવાનું ટાળવું જોઈએ. સાથે દિવસમાં બે વખત ગરમ પાણીથી કોગળા કરવા જોઈએ. જો શરદી, તાવ કે ઉધરસમાં રાહત ના મળે તો તાત્કાલીક ડૉક્ટરની સલાહ લેવી જોઈએ.

જણાવી દઈએ કે, છેલ્લા કેટલાક દિવસોથી રાજયના વિવિધ જિલ્લાઓમાં લઘુત્તમ તાપમાનમાં સતત ઘટાડો નોંધાઈ રહ્યો છે. આજે પણ રાજયના વિવિધ શહેરોના તાપમાન 20 ડિગ્રીની આસપાસ રહેતા વહેલી સવારે ઠંડીનો ચમકારો વર્તાઈ રહ્યો હતો.

(4:44 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • ' તારક મહેતાકા ઉલ્ટા ચશ્મા ' ટોપ 5 ની રેસમાંથી બહાર :' સાથ નિભાના સાથિયા 2 ' ની ધમાકેદાર એન્ટ્રી : પ્રીમિયર એપિસોડથી જ ટોપ 5 માં સ્થાન મેળવી લીધું : ' છોટી સરદારની ' પણ ટોપ 5 માંથી બહાર : ' ગૂમ હૈ કિસીકે પ્યારમેં ' ની ટોપ 5 માં એન્ટ્રી : 17 થી 23 ઓક્ટોબર સુધીની છેલ્લી ટીઆરપી access_time 6:15 pm IST